Qırımda rusiye işğalcileri Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinini Ukrayina tarafdarı olğan Telegram kanallarında izaatlar qaldırğanı içün yaqaladılar. Quvetçiler, adam "USQniñ terror faaliyetine qol tutqanı ve RF Silâlı quvetlerini açıqtan itibardan tüşürgeni"ni bildirdiler.
Sevastopol (Aqyar) işğalli polisniñ Telegram kanalında bu aqqında haber etildi.
Bildirildi ki, quvetçiler ağda tefsirlerni yazğan adamnıñ şahsiyetini belgilediler ve evine kirdiler.
"Adam eviniñ teşkerilüvi vaqtında defalarca qarşılıq kösterdi, qanuniy talaplarnı yerine ketirmegen edi, em de operativ-qıdıruv tedbirleri keçirilgen yerni terk etmege tırışqan edi. Uquq bozucığa nisbeten Rusiye Federatsiyasınıñ Memuriy cinayetler qanunnamesiniñ 20.3.3 maddesiniñ 1-inci qısmıRF Silâlı quvetleriniñ qullanuvını itibardan tüşürmek içün yapılğan cemaat areketleri boyunca, em de 19.3 maddesiniñ 1-inci qısmıRusiye akimiyetiniñ vekilleriniñ qanuniy talapları ve emirlerine boysunmama boyunca memuriy protokollar tizildi. Toplanğan malümat Lenin rayon mahkemesine yollanıldı", — dep aytıla haberde.
İşğalciler adamğa beş künge memuriy apis cezasını, em de 45 biñ rublelik (22 906 ğrıvnâ) para cezasını berdiler.
Hatırlatamız ki, Qırımda Rusiye işğalcileri Keriç sakinini yaqalap tahqiqatqa yolladılar, quvetçiler onı ukrayin istihbaratınen işbirlikte qabaatlaylar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
