Rusiye işğalli Qırım akimiyeti Keriç sakinini yaqaladı ve tahqiqatqa yolladı, onı quvetçiler ukrayin istihbaratınen işbirlikte qabaatlaylar. Adam Ukrayinağa bölgeniñ kritik astyapı obyektleriniñ vaziyeti aqqında malümat bere edi.
Qırımdaki RF Federal havfsızlıq hızmetine atfı etip, RİA "Novosti Krım" bu aqqında yazdı.
Qayd etilgenine köre, adam kelecekte "raketa ücümleri"ni planlaştırmaq içün "malümat toplay edi".
"Şübhelengen adam Rusiye havfsızlığına qarşı faaliyetinde çetel devletke yardım etüv şeklinde devlet hainligiCQniñ 275-nci maddesi maddesine istinaden cinaiy dava açıldı. Adam apiske alındı ve nezaret altında buluna", — dep aytıla haberde.
Hatırlatamız ki, Rusiye işğalcileri Ukrayina Silâlı quvetlerinde çalışqan kibi qabaatlanğan Keriç sakinini sert rejimli müstemlekede 16 yılğa üküm etti. Bundan da ğayrı, oña 1,8 million ğrıvnâ para cezasını tölemege mecbur ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
