İşğal etilgen Qırımnıñ Kezlev şeerinde "Ateş" arbiy-partizan areketiniñ agentleri, rus top silâsı içün tamir yerini taptılar. Tamir etken soñ olarnı demiryol yedeginden Ukrainadeki cebege yollaylar. Bundan ğayrı, Qırımnıñ qara yollarında partizanlar, onlarca rus tankına nezaret eteler.
Öz Telegram kanalında "Ateş" bu aqqınd haber berdi.
"Müessisede böyle top silâsını tamir eteler: D-30, eñ az 8 152mm öz başında ketken 2С5 "Giatsint-C" topu ve çeşit-türlü naqliyat", — dep bildirildi.
Bundan ğayrı, partizanlar top silâsı içün tamir yeriniñ kordinatlarınen paylaştılar: 45.213382, 33.373153 ve 45.214520, 33.373053.
Aynı zamanda "Ateş", işğal etilgen Qırımnıñ qara yollarında onlarca rus tankınıñ yoluna nezaret ete. Şu cümleden, partizanlar, onlarca rus tankı Т-62Мnıñ marşrutını evelden ögrendiler.
"Biz, qırım şeerleriniñ birindeki demiryol stantsiyasından kelecek yerine qadar olarğa nezaret etemiz. Muvafaqiyetli operatsiya keçirmek içün tafsilâtlarnı bildirmeycekmiz. Epiñizni inandıramız ki, bu tankların cebege etmemesine yardım etmek içün "Ateş" bütün ğayretlerini kösterecek", — dep bildirildi.
Telegram ve Facebookta Suspilne Qırım haberlerine abune oluñız
