Qırım işğal akimiyeti söz bergenine baqmadan, keçken sene boş ayda furtuna vaqtına bozulğan evler içün 10 biñ rublelik≈4,3 тисячи гривень tazminat ödememedi.
Milliy qarşılıq merkezi bu aqqında haber berdi.
Qayd etildi ki, furtuna vaqtınca biñlerce ev bozuldı. Merkezniñ bilgilerine köre, o vaqıttan berli işğal etilgen yarımadadaki viran etilgen ev içün tazminat kimse almadı.
"Böylece, ruslar yerli ealige lâqaytlığını daa bir kere kösterdiler, çünki Rusiyeniñ vazifesi, öz hasta natsist ıntıluvlarında Qırımnı arbiy bazağa çevirmektir", — dep bildirildi.
Boş aynıñ 26-27. künleri furtuna aqqında ne bilemiz
Boş aynıñ 26-sınıñ aqşamı Qırım yarımadasında furtuna terekler, evler, faneralar, alış-veriş merkezkerinden büyük ariflerni keçirdi. Bundan ğayrı, furtuna sebebinden Qara deñizdeki plâjlar ve yalılarda suv bastı. İşğal akimiyeti boş aynıñ 27-sini raatlıq künü ilân etti.
Hatırlatamız ki, boş aynıñ 27-sinde Qırımda şiddetli 144 km/saat furtuna neticesinde deyerli beş yüz biñ insan elektriksiz qaldı. Yarımadada maşna yollarınıñ yarısı qapatıldı. Yalı kenarları suvnen basıldı, yüzlerce terek yıqıldı, binalarnıñ damları bozuldı, elektrik ve gaz ağlarında er vaqıt qaza ola. Bundan ğayrı, belli oldı ki, beş insan öldi.
İşğal etilgen Qırımdaki şimdiki furtuna, nezaret tarihında eñ şiddetlidir. Ekolog Yevhen Hlobıstov bildirdi ki, Qırımda olğan şey, yekâne ekologiya vaqiasıdır.
Boş aynıñ 27-sinde Aqyarda felâket sebebinden 189 terek ve üç büyük reklama tahtası tüşti. Bundan ğayrı, üç insan yaralandı, olarnı hastahanege yattırdılar. Şiddetli furtuna sebebinden Aqyardaki "Hrustalnıy" plâjı ve "Andrey Pervozdannıy" yalı kenarısı bozuldı.
Bundan başqa, şiddetli furtuna neticesinde "Hersones" deñiz bölgesinde tarihiy abideler zarar kördi.
Telegram ve Facebookta Suspilne Qırım haberlerine abune oluñız
