İşğal etilgen Qırımdaki şimdiki furtuna, nezaret tarihında eñ şiddetlidir. Ekolog Yevhen Hlobıstov bildirdi ki, Qırımda olğan şey, yekâne ekologiya vaqiasıdır.
Suspilne Qırımğa tefsir etkende bunı añlattı.
"Yaltada yalı kenarını ve binalarnı viran etken yekâne bir furtuna edi. Bu furtuna unikal qorulğan topraqlarğa, qırım parklarına ve o yekâne endemik ösümliklerine zarar ketirdi", — dep Hlobıstov qayd etti.
Bundan ğayrı, ekolog qayd etti ki, Qaçı küçük özen olğanına baqmadan o yalısından çıqtı ve Kezlevde büyük meseleler yarattı.
Yevhen Hlobıstov, Aqyar akvariumınıñ eñ büyük zalınıñ suvnen basılmasını da tefsir etti.
"Müzey-akvariumdaki toplam pek unikal edi. Neniñ yoq olğanını bilmeyim, çünki biz laf etmeden evel men Aqyar akimiyeti ve KHVnıñ bilgilerini baqtım ve ne olğanını bildirmediler. Olar ayttılar ki, akvariumğa çoq suv bastı, daqqada üç kub suv. Bu büyük miqdardır, ve olar suvnı çıqaramadılar. Bunıñ içün elbette, bu bir faciadır. Bu, yunus balıqları içün bir facia, çünki yunus balıqlarınen zal suvnen basıldı ve olarnıñ ayda yaldağanlarını bilmeymiz. Furtuna şaraitinde olar öle bilirler. Men tüşünmeyim ki, böyle şariatte olar açıq deñizge yalda-yalda yete bildirler", — dep ekolog hulâsa çıqardı.
Hatırlatamız ki, Qırımda şiddetli furtuna neticesinde deyerli beş yüz biñ insan elektriksiz qaldı. Yarımadada maşna yollarınıñ yarısı qapatıldı. Yalı kenarları suvnen basıldı, yüzlerce terek yıqıldı, binalarnıñ damları bozuldı, elektrik ve gaz ağlarında er vaqıt qaza ola. Bundan ğayrı, belli oldı ki, bir insan öldi ve 4 insan yaralandı. Qırımda bu gece furtuna yeliniñ tezligi 144 km/saat edi.
Telegram, Viber ve Facebookta Suspilne Qırım haberlerine abune oluñız
