11 senege müstemlekede yollanacaq: Rusiye makemesi Ernes Ametovnıñ ükümini deñiştirmedi

11 senege müstemlekede yollanacaq: Rusiye makemesi Ernes Ametovnıñ ükümini deñiştirmedi

11 senege müstemlekede yollanacaq: Rusiye makemesi Ernes Ametovnıñ ükümini deñiştirmedi
İçtimaiy jurnalist Ernes Ametov. Фото: Кримська солідарність

Vlasiha şeerindeki Rusiye apellâtsiya arbiy makemesi, içtimaiy jurnalist Ernes Ametovnıñ ükümini deñiştirmedi. Keçenlerde "Hizb ut-Tahrir davası"na köre RF Cenübiy bölge arbiy makemesi onı şiddetli rejimli müstemlekede 11 senege maküm etti.

Onıñ apayı Eleonora Ametova "Qırım birdemligi"ne bunı añlattı.

Siyasiy mabüsniñ apayı, dindeşlerine qarşı sahte malümat aytmağa red etkeni sebebinden bu ükümni rus mahsus hızmetleriniñ intiqamı olaraq tanıy.

"Ernes, dindar bir insandır. O, Allahqa ve ayat qaidelerine sadıqtır. O red etip, oña dediler ki: "Demek, sen de er kesnen beraber oturacaqsıñ"" — dep Ametova tefsir etti.

O qoştı ki, quvetçilerniñ terrorcılıqnen şimdiki küresinin arqasında üyken vazife almaq arzusı tura ve "olar içün aqiqiy terrorcılar ve adiy insanlarnı apis etmek aynı şeydir".

Ernesniñ sözlerine köre makemeci, bu ükümni qolayca çıqardı, bu añlaşılmaz bir şey.

"Makeme maña konserva qapularını yuvarlağan konveyerni hatırlattı, mükemmelleştirilgen esnas. Sanki olar insan taqdirini belgilemeyip, daa bir teneke qutusını yuvarlaylar. (Makeme içün — muar.) şahsiy bir şey degil, sadece iş", — dep Ernes Ametov qayd etti.

Ernes Ametov aqqında ne bilemiz

  • 2020 senesi "ekinci Bağçasaray gruppası"nıñ iştirakçilerinen bağlı makeme oturışında onı azat ettiler ve qabaat delilleri olmağanı içün makeme zalından yiberdiler. Bu, tek Qırımda degil, bütün Rusiyede Hizb ut-Tahrir davasında böyle ilk vaqia edi. Amma 2022 senesi saban ayında apellâtsiya makemesi, Cenübiy bölge arbiy makemesiniñ ükümini deñiştirdi ve davasını yañıdan baqmağa qarar berdi.
  • Çiçek ayınıñ 11-inde o, makeme zalına yetti. Ernes Ametov, ekici baqıluvnen bağlı evelki oturışqa göñülli olaraq keldi. Makemeci Oleksiy Mağomadov, qırımtatar adamını eki ayğa tevqif etti.
  • Prokurorcılıq Ametovnı terrorcı bir teşkilâtta iştirak etmege ve Qırımda hükümet avdarmasını yapmağa tırışmağa qabaatladı. Qırımtata adamı, bu cinayetlerge ait olmasını red etti.

Telegram, Viber ve Facebookta Suspilne Qırım haberlerine abune oluñız

На початок