Bugünden qırım siyasiy mabüsleriniñ aileleri, vekâletli insan yardımınen devlettem maliyeviy destek ala bilirler. Qanunğa maqbul deñişmeler kirsetildi.
Ukraine Media Center — Ukrinformdaki "Ukraina esir etilgen vatandaşlarğa ve ailelerine nasıl yardım ete?" mevzusuna bağışlanğan matbuat konferentsiyasında QırımSOS içtiamiy teşkilâtınıñ uquqçısı Anastasiya Kalinina bunı bildirdi, dep Suspilne Qırım mühbiri haber berdi.
Bundan evel siyasiy mabüslerniñ aileleriniñ ukrain bank kartları ve telefon nomeraları olmalı edi. 9 senelik işğal devrinde Qırımda olarnıñ ukrain kartları ve telefon nomeraları qalmadı, bunıñ içün olar maliyeviy yardım alamadılar.
"Bundan evel böyle ailelerniñ azalarına para yollamaq imkânı yoq edi, amma ümüt etem ki, bu meseleni al etecek deñişmeler boş ayda tasdıqlandı, çünki ailelerniñ azaları vekâletli insanğa bu tür para almağa avale ete bilirler. Elbette bu, advokatlar degil ve bu, bir meseledir, çünki bir qartanağa böylece yardım etecek edik, amma bunı yapamadıq, çünki mında onıñ aqrabası ve yaqını yoq", — dep Kalinina añlattı.
Telegram, Viber ve Facebookta Suspilne Qırım haberlerine abune oluñız
