Boş aynıñ 8-inde Çarşenbe künü vaqtınca işğal etilgen Aqyarda ava telükesi ilân etildi, bundan soñ Aqyar körfezinde tuman köründi.
Aqyarnıñ işğal gubernatorı Mıhaylo Razvojayev öz Telegram kanalında bu aqqında haber berdi.
Saat 09:20de ava telükesi ilân etildi ve sekiz daqqa devam etti. Ava telükesi lâğu etilir etilmez, Razvojayev bildirdi ki, Aqyar körfezi yanındaki tuman, rus askerleriniñ tabel gizlenüv vastalarını qullanmalarıdır.
Qırımdaki soñ patlamalar aqqında ne bilemiz
- Boş aynıñ 7-siniñ gecesinde işğal etilgen Qırımdaki Saq ve Novofedorivka şeerlerinde patlamalar duyuldı. Bundan ğayrı Aqyarda rus Ava mudafaası sisteması çalıştı — tüşürilgen uçucısız aletlerniñ parçaları Aqleyizdeki şahsiy evge, Qaçıda ve Qırımçaqtaki şahsiy evge tüşti. Soñ meskün yerde adam elini qırdı.
- Boş aynıñ 4-ünde işğal etilgem Keriç şeerinde şiddetli patlamalar duyuldı. Qırım köprü rayonında tuman köründi. İşğal akimiyeti, AMSniñ çalışqanını bildirdi. Raketa ücümi vaqtında işğal etilgen Keriçteki "Zalıv" adlı gemi qurıcı zavodda bulunğan rus raketa taşıyıcısınıñ bozmaları, arbiy nevbetçilik yapmağa imkân bermez.
- Keriçteki "Zalıv" adlı gemi qurıcı zavodğa ücümden soñ "Askold" raketa gemisi ciddiy şekilde bozuldı ve tamir etilmez, dep USQ StratKom haber berdi.
- Orta küz ayınıñ 30-ında işğal etilgen Aqyarda patlamalar duyuldı. İşğal akimiyeti, şeerde AMSnıñ çalışqanını bildirdi.
Telegram, Viber ve Facebookta Suspilne Qırım haberlerine abune oluñız
