İşğal etilgen Qırımnıñ Simferopl (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde Rusiye FSB tarafından işğalli ordunıñ arbiy obyektleri aqqında malümat toplap, Ukraina havfsızlıq hızmetine bergeninde qabaatlanğan yerli sakin tutuldı. Oña 8 yılğa qadar apis cezası berile bilir.
Rusiye FSBniñ cemaat alâqaları merkeziniñ malümatına esaslanıp, RİA "Novosti Krım" bunı bildirdi.
Uquq qorçalayıcılar, yaqalanğan adam Ukrayina mahsus hızmetlerinen işbirliginde iştirak etkenini "taqiq etkeni"ni ve endi itiraf etkenini bildirdiler.
Rusiye FSBniñ cemaat alâqaları merkeziniñ resmiy beyanatına köre, Simferopol (Aqmescit) sakini "Ukrayina havfsızlıq hızmeti tarafından celp etilgen edi". Kuratornıñ vazifesine köre, o, "vaqtınca işğal etilgen Qırımda Rusiye arbiy obyektleri aqqında malümat toplap, onı çetel internet-mesaclayıcısı vastasınen bere edi".
FSB "çetel devletinen gizli işbirlik" maddesine binaen cinaiy dava açtı. Ceza — 8 yılğa qadar apis ola bilir.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
