Mıkolayiv apellâtsiya mahkemesi, Rusiye tarafında cenkleşken Qırım sakininiñ ükmüni deñiştirip sertleştirdi. Mal-mülkü musaderesi olmadan 14 yıllıq apis cezası yerine musaderenen 15 yıllıq apis cezası belgilendi.
Jurnalistler taqiqatları merkezi, mahkeme qararına esaslanıp bunı bildirdi.
O, duşmannen işbirlikUkrayina CQniñ 111-1nci maddesiniñ 7-nci qısmı ve devlet hainligiUkrayina CQniñ 111-nci maddesiniñ 2-nci qısmınde qabaatlandı. Mahkeme qararı aprelniñ 3-nde qabul etildi - üküm qanuniy quvetini aldı.
"2023 senesi bozarğan aynıñ 9-nda RF Silâlı quvetlerinen añlaşma imzalap, RF deñiz piyadesiniñ 810-ncı ayrı gvardiya brigadasında BTR nezaretçisi vazifesine keçti. Bir qaç künden soñ o, Zaporijjâ AES etrafında duşman mudafaa inşaatlarını qurmaq içün Energodarğa keldi. 2023 senesi boş aynıñ 19-nda Herson vilâyetindeki Oleşkiv şeer cemiyetiniñ Krınka köyüne keldi ve onı ücüm etmege emir aldı. Boş aynıñ 24-nde o, Ukraina Silâlı quvetleriniñ esirligine teslim oldı.
Mahkeme oturışında adam özüni etnik Rus olaraq tanığanı ve vatanı Rusiye Federatsiyası olğanını bildirdi. Şunıñ içün Qırım qanunsız işğal etilgen soñ bilerek Rusiye pasportını aldı. O, özüni Rusiye Federatsiyasınıñ vatandaşı dep saya ve Ukrayina ögünde iç bir borcu olmağanını iddia ete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
