2025 senesiniñ üç ayı devamında uquq qorçalayıcılar siyasiy mabüslerniñ eñ yüksek seviyege fizik ve ruhiy sağlığı aqqınıñ eñ az 17 kere bozulğanını qayd ettiler, 12-si — Qırımtatarlarnen bağlıdır.
Qırımtatar maaliy merkeziniñ (QMM) kommunikatsiyalar idarecisi Tetâna Savçuk 2025 senesiniñ birinci kvartalı içün işğal etilgen Qırımda insan aqlarınıñ bozuluvı taliliniñ taqdiminde bunı bildirdi.
Qayd etilgenine köre, 2024 senesiniñ aynı müddetinde 13 (12), 2023 senesi ise 10 (7) adise qayd etildi.
Savçuknıñ aytqanına köre, qanunsız mahküm etilgenler tutuluv şaraiti, tibbiy yardımnıñ olmaması ve sağlıqlarına menfiy tesir etken yaramay aşamağa şikâyet eteler.
Bir ay devamında bu aq, böyle Qırım siyasiy mabüslerine dair bozulğan edi: Oleksandr Sizikov, Ernes Ametov, Amet Süleymanov, Rustem Gugurık, Rustem Seytmemetov, Osman Seytumerov, Ğalına Dovğopola, Tofik Abdulgaziyev, Rustem Şeyhaliyev, Ruslan Abdurahmanov, Server Mustafayev, Ruslan Mesutov, Serğiy Tsığipa, Nasrulla Seydaliyeva, İrına Danılovıç, Appaz Kurtamet.
"Bu bozuluvlar siyasiy mabüslerniñ apishanelerde sağlıq alı fenalaşqanı, advokatlarnıñ ve mabüslerniñ şikâyetnamelerine emiyet berilmegeni, olarğa kerekli tibbiy yardım kösterilmegeninen bağlı", — dep QMMniñ talilinde qayd etildi.
Hatırlatamız, saban ayında Qırımda adaletli mahkeme aqqınıñ 31 bozuluvı qayd etildi, olardan 11-i Qırımtatarlarğa nisbeten.
Telegram, WhatsApp, Facebook, TikTok ve YouTubede Suspilne Qırım haberlerine abune oluñ
