11 yıdl evel, 2014 senesi çiçek aynıñ 6 işğal etilgen Qırımda rusiye arbiyi, arqağa atışı ile Saki (Saq) Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adıbrigadasındaki deñiz pihotasınıñ mayorı Stanislav Karaçevskıynı öldürdi. O, işğalden itibaren yarımada territoriyasında ukrain arbiyiniñ qayd etilgen ekinci öldürüvidir.
Bu öldürüv – Qırım işğali, ilk künlerden beri tecavuz ve silâlı ücümlerinen refaqat etilgen edi, – yaza Qırım MC-de Ukraina prezidentiniñ temsilciligi.
"Stanislav Karaçevskıynıñ öldürüvi – istisna degil, işğalci devlet tarafından halqara gumanitar aqnıñ qaideleri ve insan aqlarınıñ qattı bozuluvlarınıñ intizamlı ameliyatınıñ kösterüvidir. Ukrainağa sadıq qalıp elâk olğan er kesni hatırlaymız. Adaletlikni, qabaatlı olğanlarınıñ cezalandıruvını ve Qırım yarımadasınıñ deokupatsiyasını temin etmek içün halqara cemiyetini RF-na basqısını quvetleştirmege çağıramız", – denile beyanatta.
Karaçevskıynı rusiye arbiylerinen binasınıñ ücümi vaqtında Novofödorıvka qasabasında yataqhanesinde öldürdiler – tarif etken Suspilne Qırımğa onıñ eñ yaqın dostı Mıkola Lıtvınenko.
"Arbiy hızmetçilerimiz o vaqıt silâsız olğan olsalar da, afsus ki, bu ücümi vaqtında mayor Karaçevskıy arqağa RF deñiz pihotasınıñ serjantınen qurşunğa tizilgen edi", – tarif etti o.
Ukrain arbiyiniñ qatili rusiye deñiz pihotacısı Yakutiyalı Yevgeniy Zaytsevni tek yerleşüv-müstemlekesine eki yılğa makeme etkenler. İşğalcilerniñ nezareti astında olğan tahqiqatı bildirgeni kibi, ücümni ukrain ofitserleri yapqanlar, Zaytsev ise salâhiyetini aşqan.
Stanislav Karaçevskıynıñ ömür arqadaşı ve eki balası qalğan. Olar aman-aman birden brigadanen Qırımdan Mıkolayivge çıqıp ketkenler.
Telegram, WhatsApp ve Facebookta Suspilne Qırım haberlerine abune oluñız
