Ukrainada Qırımdan kelgen işğalli makemeci 13 yılğa mahküm etildi. Adam 2023 senesi işğalli akimiyetnen işbirlik yapmağa razı oldı ve "Qırım Cumhuriyetiniñ Krasnogvardiysk rayon makemesiniñ makemecisi" vazifesini göñülden aldı.
Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) prokurorlığı bunı bildirdi.
Qayd etildi ki, 2023 senesi saban ayından başlap adam yarımadadaki işğalli makemede "makemeci" vazifesini yapa. Böyleliknen, maküm etilgen adam yarımadada işğalli makeme organları sistemasınıñ çalışmasına yardım etti.
"Muhtariyet prokurorlığınıñ açıq qabaatlavı sebebinden, Qırımdan işğalli makemeci duşmannen işdeşlik faaliyeti içün (Ukraina Ceza qanunnamesiniñ 111-1 maddesiniñ 7-nci qısmı) ğıyabiy şekilde üküm aldı. O, 14 yıl devamında teşkiliy-tertipke ketirüv ya da memuriy-hocalıq vazifelerini eda etüv aqqından marum etilip, 13 yıl azatlıqtan marum etilip, mal-mülki müsadere etilecek", — dep aytıla haberde.
Qırım MC ve Aqyar şeeriniñ prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Hatırlatamız ki, Kıyivdeki Şevçenko rayon makemesi, aqayını ukrain qadınlarınıñ namusına keçmege çağırğan Rusiye işğalcisiniñ apayını, cenk qanunları ve adetlerini bozğanında ğıyabiy şekilde qabaatlı tanıdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
