Rusiye işğalcileri tarafından 18 yılğa maküm etilgen "Aluşta" din cemaatınıñ sabıq azası Ruslan Mesutovnı Tabağa qasabasındaki hastahaneden Yakutsktaki KTTOKamera türlü tek odağa qaytardılar. 21 kün devam etecek tedaviylevge baqmadan, onı bir aftadan soñ yazılıp çıqardılar.
"Qırım birdemligi"ne onıñ qız qardaşı Suvade Mesutova bunı bildirdi.
Onıñ aytqanına köre, mektüpte hastahanede oña "bir qaç ap" berilgeni aqqında aytıla. Daa evel Mesutov saban ayınıñ 11-nde ağır yürek ağrısı sebebinden hastahanege yatqızılğanını bildirdi. Şimdi oña yüksek qan basımı, apishanede çıqarılğan hronik hepatit C ve hronik bel ağrısı diagnozı qoyuldı.
Müstemlekege kelgen soñ onı defalarca KTTO ve ŞİZOCeza izolâtorına yolladılar. Qara qış ayında advokat Nazim Şeyhmambetov Mesutovnı ceza izolâtorına avuştırmaq qararını şikâyet etip, onı evge yaqın yerleşken müstemlekege avuştırmaq talabınen dava açtı.
Tuvğanları Yakutsktaki TMTüzetüv müstemlekesi-1ge kerekli ilâclarnı yollamağa tırıştılar, amma kimse olarnı almadı, dep, posılkalar keri qayttı. Şimdi Mesutov, başqa apishanege avuştırılmaq içün azırlanğanı içün, başqa bir şey yollamamağa rica ete.
"Onı sert uquq bozucı olaraq tanıdılar. Er angi bir bozuv içün yañı müddet qoşalar. Ayda bir kere qan teşkerüvleri keçirile edi, amma o neticelerini istegen soñ, olarnı bermediler, aksine onı daa 15 künge ŞİZOda qaldırdılar", — dep Suvade Mesutova tarif etti.
Hatırlatamız ki, Qırım siyasiy mabüsi, jurnalist ve cemaat faalcisi Serğiy Tsığipa müstemlekede öz nazar noqtası sebebinden ve Rusiye pasportını almağa red etkeni içün memuriyet tarafından muntazam sürette basqığa oğray.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
