Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakini devlet hainligiRF CQniñ 275-nci maddesinde qabaatlanıp, işğalciler tarafından 16 yılğa qadar apis cezasına maküm etildi. Oña bir yılğa azatlıqtan marum etüv cezası ve 200 biñ ruble (60 biñ ğrıvnâ) para cezası berildi.
RİA "Novosti Krım" bunı bildirdi.
Qadın 66 yaşında. İşğalcilerniñ aytqanlarına köre, o, Zakarpattâ vilâyetinden keldi, amma çoq vaqıt devamında Sevastopolda (Aqyarda) yaşadı.
"2022 senesi ilk küz ayından başlap o, şahsiy teşebbüsinen Ukraina mahsus hızmetlerinen işbirlik tuttı, olarğa Qırımdaki arbiy obyektler aqqında malümat berdi, em de Qara deñiz flotunıñ gemileriniñ foto ve videolarını yolladı", — dep aytıla haberde.
Hatırlatamız ki, Qırım uquq qorçalayıcı gruppasınıñ malümatına köre, 2024 senesiniñ soñunda işğal etilgen Qırımda uydurılğan qabaatlavlar boyunca eñ az 250 Ukraina vatandaşı apiste buluna edi. Siyasiy mabüslerniñ bir qısmı yarımadada tutula, başqaları — Rusiye toprağındalardır.
Bundan da ğayrı, Rusiyeniñ Ukrainağa istilâsı başlağan soñ vaqtınca işğal etilgen Qırım sakinlerine qarşı "Rusiye ordusını itibardan tüşürgeni" içün 1 242 qanunsız memuriy dava açılğanı qayd etildi, dep kiçik aynıñ 28-nde Ukraina prezidentiniñ Qırım Muhtar Cumhuriyetindeki temsilciligi bildirdi.
Telegram, WhatsApp ve Facebookta Suspilne Qırım haberlerine abune oluñız
