Çiçek ayınıñ 1-nde Qırımdaki evinde işğalli quvetçiler tarafından tintüv keçirilgen 74 yaşındaki Halil Halilovnıñ alı kritik. O, hastahanede buluna. Tintüv vaqtında FSB hadimleri yasaq etilgen edebiyat ve silâ tapmağa tırıştılar, bir şey tapmağanları aqqında protokol tizdiler.
Facebookta onıñ qızı, ATR kanalınıñ jurnalisti Gulsum Halilova bunı yazdı.
"Elbette, bir şey tapmadılar, çünki ömürlerini şerefnen keçirgen qartlarnıñ evlerinde bir şey tapmaq imkânsızdır. Babam 74 yaşında. Anam — tuvğan evinde tınçlıq istegen adiy bir qadın", — dep yazdı o.
Gulsum Halilova, babası gipertoniya hastalığınen küreşkenini yazdı. Çiçek ayınıñ 1-nde oña üç kere acele yardım keldi, çiçek ayınıñ 2-nde onı hastahanege qoydılar.
Hatırlatamız ki, işğal etilgen Qırımnıñ Bilogirsk (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında keçirilgen tintüvler aqqında Qırımtatar Milliy Meclisiniñ reisi Refat Çubarov bildirdi.
"Bu sefer FSB azapçıları Qarasuvbazar/Bilogirsk rayonınıñ Ortalan (işğalciler onı Zemlânıçne dep adlaylar) köyünde yaşağan qırımtatarlarnıñ evlerine kirdiler. Qırımtatarlarnıñ dört evinde silâ ve başqa yasaq etilgen şeyler, şu cümleden yasaq etilgen kitaplar qıdırıldı", — dep yazdı o.
Çiçek ayınıñ 1-nde Refat Çubarov Suspilne telekanalınıñ canlı yayınında qanunsız tutulğanlarnıñ tuvğanlarını davalarnı aydınlatmağa çağırdı.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
