İşğal etilgen Qırımda çiçek ayınıñ 1-nde qırımtatarlarnıñ evleri kütleviy şekilde tintildi. İşğalciler Bilogirsk (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ dört sakininiñ evlerine ücüm ettiler.
Facebookta Qırımtatar Milliy Meclisiniñ reisi Refat Çubarov bunı bildirdi.
"Bu sefer FSB azapçıları Qarasuvbazar/Bilogirsk rayonınıñ Ortalan (işğalciler onı Zemlânıçne dep adlaylar) köyünde yaşağan qırımtatarlarnıñ evlerine ücüm ettiler. Qırımtatarlarnıñ dört evinde silâ ve başqa yasaq etilgen şeyler, şu cümleden yasaq etilgen kitaplar qıdırıldı", — dep yazdı o.
Tintüvler, hususan, ATR telekanalında çalışqan qırımtatar jurnalisti Gulsum Halilovanıñ ana-babasınıñ evinde keçirildi.
"Halilovlarnıñ qorantasına kelgen azapçılar, 75 yaşındaki Halilov bir qaç künden berli ağır hasta olğanı ve şu sebepten yataqhanede yatqanı aqqında haberni körmediler. Maska taqqan silâlı FSB hadimleri evniñ bütün odalarını tinttiler ve bütün elektron cihazlarnı, şu cümleden telefonlarnı aldılar", — dep Çubarovnıñ haberinde qayd etildi.
Rusiye FSBsiniñ hadimleri bütün kirişlerni qapatqanı qayd etile. Tintüv vaqtında Halilov özüni yaramay duydı, acele yardım çağırıldı ve onı hastahanege alıp kettiler.
Hatırlatamız ki, saban ayınıñ 22-nde Qırımda Lvivdan kelgen qorantanı tuttılar. İşğalli quvetçiler başta Tetâna Malâr, onıñ qardaşı Valentın Malâr, oğlu Anatoliy Rossihin ve qızı Olğa Beğeyniñ apis etilüvini gizlemege tırıştılar. Olarnı "devlet hainligi"nde qabaatlaylar. Çubarovnıñ çiçek ayınıñ 1-de Suspilne telekanalınñ canlı yayınında haber etkenine köre, adliyeciler işke başladılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
