İşğal etilgen Qırımda ormanlar daa çoq çürümege başlay, o ise – qırım ormannıñ umumiy ekologik alına tesir ete.
Bunıñ aqqında Suspilne Qırımğa adını aytmayıp şartnen yerli ülkeşınas haber etken.
Onıñ sözlerine köre, ormanlar daa çoq baqımsız qalalar.
"Amazon ve Sibir ormanları içün o adiy bir şey olur edi, amma kiçik qırım ormanına dair pek fena. Meselâ, AB çoqusı ülkelerdeki ormanları çoqusınen parklarnı añdıralar, o qadar temiz ve baqımlı. Qırım ormanında hasta ve cansız tereklerniñ artayatqan miqdarınıñ bar oluvı, ormannıñ umumiy sağlığınınñ dağıtuvına, sıq ve daa büyük yanğınlarına ketire bile. Bu yıl pek sıcaq olacağı aqqında vade eteler – ormanda kene de yanğınlarnıñ büyük sayısı olacaq dep belleyim. Qırım ormanı hasta ve onıñ qurtarması lâzim ayta bilem", – tarif etti ülkeşınas.
Qayd etkeni kibi, bu vaziyetini bir qaç sebebi peyda ettirgen.
"2014 senesinden evel insanlar odunğa quru terekelerni azırlay ediler. Şimdi tek çalı-çırpını toplamaq mümkün. Tamırlarda turğan quru ve tamırnen tüşken tereklerni almağa yasaq. Em de, Qırımda keçirilgen gazlaştıruvına köre, odun yahşı alınmay, o ise – sanitar kesüvine orman hocalığınıñ merağınıñ tüşürüvine ketirgen – evelden bundan çoq para qazana ediler. Endi tek devlet vazifesiniñ eda etilmesi çerçivelerinde orman hocalığı, cansız ve zaraz körgen orman oturtıluvlarınıñ kesüvinden ibaret olğan sanitar-sağlaştıruv tedbirlerni yapa", – añlattı alim.
Şunı qoştı ki, sanitar-sağlaştıruv tedbirleri boyunca işlerniñ yapılması içün planlaştırılğan meydanlarnı "Qırım Cumhuriyetiniñ orman imaye merkezi" adlı Rusiye orman imayesiniñ işğal filiyası tayin ete.
Hatırlatayıq ki, işğal etilgen Qırımda Lğovske–Ğruşivka–Sudaq dört şeritli yolunıñ qısmınıñ qurucılığı başlanılğan, bu yoldan qırım ormanınıñ qararnen sekiz gektarı yoq etilecek.
Telegram, WhatsApp ve Facebookta Suspilne Qırım haberlerine abune oluñız
