Kıyivde saban ayınıñ 26-nda Oleksandr Çudnovets ve Andriy Bulavinniñ Ukraina Silâlı quvetleri tarafından "Moskva" Rusiye kreyserine ücüm aqqında resimli kitabınıñ taqdim merasimi olıp keçti. Müellifler raketa gemisiniñ arbiy qabiliyetini ögrendi, onı yoq etüv ve Rusiye flotunıñ bayrağı alğan zararnıñ tafsilâtlarını ögrendi, "Moskva"nı yoq etüvniñ bütün versiyalarını baqıp çıqtı.
Suspilne Qırım mühbiri bunı bildirdi.
"Moskva" kreyserine avlanma'' kitabınıñ müellifi, arbiy tarih tedqiqatçısı, "Kıyiv arbiy-tarihiy cemiyeti" cemaat teşkilâtınıñ şurasınıñ azası Andriy Bulavin, taqdim merasimi vaqtında, Rusiye Mudafaa nazirligi bu kreyserni ukrain "Neptun" raketaları yoq etkenini tanımadı ve iç bir vaqıt tanımaycaq, dep bildirdi. Rusiye arbiy komandanlığı bunı gizlemege tırışa.
"Moskva" batırılğan soñ, KHVda bir sıra versiya muzakere etildi. Biz kitapta bütün bu esas versiyalarnı — ve minalar, ve divertsantlar, ve yaman niyetler, ve qazan bölüginde yanğın adisesi, ve bular ukrain raketaları olmağanını, ve bular Romaniya toprağından Harpoon (gemige qarşı raketa) ile urulğanını — añladıq. Biz er bir versiyanı sessizce, tınçlıqnen baqıp çıqtıq. Er birinden bir netice çıqardıq, öz izaatlarımıznı yazdıq, ve soñra olıp keçkenlerniñ öz versiyasını yazdıq", — dedi o.
Bulavinniñ aytqanına köre, "Ukraina" kreyserini ziyaret etkende, o ve kitapnıñ diger müellifi Oleksandr Çudnovets beş saat yürdiler ve "bizim versiyalarımıznıñ doğru olğanına büyük ihtimalnen" emin oldılar.
"Oleksandrnen beraber, onıñ Sevastopolğa (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adğa — terciman) ketirilmemesi aqqında tüşünemiz", — dep qoştı o.
Hatırlatamız ki, 2022 senesi çiçek ayınıñ 13-nde "Neptun" Ukraina gemige qarşı raketi işğal etilgen Qırım yalısında qanunsız bulunğan Rusiye Qaradeñiz flotunıñ bayrağı olğan "Moskva" kreyserini muvafaqiyetnen batırdı.
Ukraina Mudafaa Quvetleri qaysı RF QFnıñ gemilerini mahv ettiler ve bozdılar
Büyük desant gemisi (BDG) "Saratov" — 2022 senesi mayıs ayınıñ 24-ünde işğal etilgen Berdânskta (Zaporijjâ vilâyeti) "Toçka-U"nen ücüm neticesinde batıldı;
BDG "Novoçerkask" – 2022 senesi mayıs ayınıñ 24-ünde işğal etilgen Berdânskta (Zaporijjâ vilâyeti) "Toçka-U"nen ücüm neticesinde bozuldı;
BDG "Tsezar Kunikov" – 2022 senesi mayıs ayınıñ 24-ünde işğal etilgen Berdânskta (Zaporijjâ vilâyeti) "Toçka-U"nen ücüm neticesinde bozuldı;
Raketa kreyseri "Moskva" – 2022 senesi çiçek ayınıñ 13-ünde "Neptun" gemilerde qarşı raketalarınen ateşler neticesinde batıldı;
Qurtarıcı buksir gemisi SB-739 "Vasiliy Beh" – 2022 senesi bozarğan aynıñ 17-inden başlap eki "Ğarpun" raketasınen ücüm neticesinde batılğan sayılır;
Deñiz mina gemisi "İvan Ğolubets" – 2022 senesi orta küz ayınıñ 29-ında işğal etilgen Aqyarda uçucısız deñiz üzerindeki dronnıñ ücümi neticesinde bozuldı;
BDG "Oleneğorskiy ğornâk" – 2023 senesi arman ayınıñ 4-ünde Novorosiyskta (Rusiye) uçucısız deñiz üzerindeki dronnıñ ücümi neticesinde bozuldı;
BDG "Minsk" – 2023 senesi berim ayınıñ 13-ünde işğal etilgen Aqyarda Storm Shadow raketalarınen mahv etildi;
Deñiz astındaki gemi B-237 "Rostov-na-Donu"– 2023 senesi berim ayınıñ 13-ünde işğal etilgen Aqyarda Storm Shadow raketalarınen mahv etildi;
Küçük raketa korveti "Askold" – 2023 senesi boş aynıñ 4-ünde Keriçte (işğal etilgen Qırım) Storm Shadow raketalarınen mahv etildi;
BDG "Novoçerkask" – 2023 senesi ilk qış ayınıñ 26-sında kefede (işğal etilgen Qırım) raketa ücümi neticesinde mahv etildi;
Büyük raketa gemisi "İvanovets" – kiçik aynıñ 1-iniñ gecesi Doñuzlav gölünde uçucısız deñiz üzerindeki dronnıñ ücümi neticesinde mahv etildi.
Büyük desant gemisi "Tsezar Kunikov" — kiçik aynıñ 14-üniñ gecesi işğal etilgen Qırımnıñ Alupka rayonında "Magura V5" dronları vastasınen mahv etildi.
Telegram, WhatsApp ve Facebookta Suspilne Qırım haberlerine abune oluñız
