2014 senesinden Qırımtatar Maaliy Merkezi (QMM), Noman Çelebicihan adına batalyonda iştirak etüvde qabaatlanıp, eñ az 55 insannıñ tutulğanını qayd etti: 19 – işğal etilgen Qırımda, 36 – 2022 senesinden soñ Herson vilâyetiniñ vaqtınca işğal etilgen topraqlarında.
Saban ayınıñ 25-nde QMM bu aqqında haber berdi.
Böylece Qırımda işğalciler aşağıdaki insanlarnı tuttılar:
- Fevzi Sagancı (üküm – 2019 s. qara qış ayınıñ 23-ünde);
- Dilâver Ğafarov (üküm – 2019 s. arman ayınıñ 28-inde);
- Edem Kadırov (üküm – 2019 s. mayıs ayınıñ 31-inde);
- Aydın Mamutov (üküm – 2019 s. çiçek ayınıñ 22-sinde);
- Nariman Mejmedinov (üküm – 2020 s. bozarğan aynıñ 20-sinde);
- Mecit Ablâmitov (üküm – 2021 s. saban ayınıñ 24-ünde);
- İbraim Asanov (tutulğanı tarih – 2023 s. qara qış ayınıñ 17-sinde);
- 2023 s. qara qış ayınıñ 25-inde Sevastopol (Aqyar) sakini (tutulğan adamnıñ bilgileri ögrenile);
- 2023 s. kiçik aynıñ 2-sinde Sevastopol (Aqyar) sakini (tutulğan adamnıñ bilgileri ögrenile);
- 2023 s. saban ayınıñ 13-ünde Qırımda 39 yaşındaki adam (tutulğan adamnıñ bilgileri ögrenile);
- 2023 s. çiçek ayınıñ 14-ünde Qırımda qırımtatar adamı (tutulğan adamnıñ bilgileri ögrenile);
- 14 квітня 2023 s. çiçek ayınıñ 14-ünde Qırımda qırımtatar adamı (tutulğan adamnıñ bilgileri ögrenile);
- 30 травня 2023 s. mayıs ayınıñ 30-nda 23 yaşındaki Qırım sakini (tutulğan adamnıñ bilgileri ögrenile);
- 2023 s. mayıs ayınıñ 30-nda 24 yaşındaki Qırım sakini (tutulğan adamnıñ bilgileri ögrenile);
- 2024 s. bozarğan aynıñ 4-nde Qırımda adam (tutulğan adamnıñ bilgileri ögrenile);
- 2024 s. ilk küz ayınıñ 13-nde 54 yaşındaki Qırım sakini (tutulğan adamnıñ bilgileri ögrenile);
- 2024 s. saban ayınıñ 22-nde Qırım sakini (tutulğan adamnıñ bilgileri ögrenile);
- 2024 s. bozarğan aynıñ 11-nde Qırım sakini (tutulğan adamnıñ bilgileri ögrenile);
- Berim ayında Qırım sakini Nariman Derman 3 sene ve 6 ayğa maküm etildi.
Ukrainada cenk başlağan soñ Herson vilâyetiniñ işğal etilgen qısmında 36 qırımtatar ve ukrainalı yaqalandı.
2022 senesi bozarğan aynıñ 1-nde Rusiye Yuqarı makemesi Baş prokurorlıqnıñ Noman Çelebicihan adına qırımtatar göñülli batalyonını terroristik teşkilât olaraq tanıp, onıñ faaliyetini Rusiye Federatsiyasında yasaq etmek davasını qanaatlendirdi.
Hatırlatamız ki, Noman Çelebicihan adına Qırımtatar göñülli batalyonında iştirak etkeninde ve Qırımnıñ iqtisadiy qamaçavına yardım etkeninde qabaatlanğan 60 yaşındaki siyasiy mabüs Rustem Virati Rusiye Federatsiyasınıñ Ulyanovsk vilâyetindeki Dmitrovgrad şeeriniñ apishanesinde vefat etti.
Telegram, WhatsApp ve Facebookta Suspilne Qırım haberlerine abune oluñız
