Ukrainlerniñ uquqiy statusına dair Volodımır Putinniñ emiri, vaqtınca işğal etilgen territoriyalarından rusiye pasportını almağa red etkenlerini sıqıştırıp çıqarmağa yoneliş tuta.
Bunıñ aqqında saban aynıñ 22 Büyük Britaniya Nazirligi, istihbaratnıñ malümatlarına atıf etip haber etti.
Bu emirge dair Rusiyede "qanunsız esaslarda bulunğan" Ukraina vatandaşları 2025 senesi ilk küz aynıñ 10 qadar çıqmaq ya da "qanuniyleştirilmek" kerekler, yayınladılar saban aynıñ 20 Rusiye uquqiy malümatnıñ portalında.
"Putinniñ emiri, Rusiyenen işğal etilgen ukrain territoriyasından rusiye pasportları ve vatandaşlığını qayuul etmege red etken Ukraina vatandaşlarını çıqmağa mecbur etmege köz ögünde tuta. Putin ve rusiye yuqarı reberligi, qanunsız sürette işğal etilgen ukrain terrioriyasında ruslaştıruv siyasetini devam eteler, o ise – ukrain medeniyet, kimlik ve devletçiliginiñ mahv etüvine yoneliş tutqan sürekli ıntıluvlarnıñ qısmı ola", – denile Britaniya Mudafaa nazirliginde.
Ukraina tışqı işler nazirligi haber etkeni kibi, vaqtınca işğal etilgen territoriyalardaki ukrainlernen Rusiye prezidenti Volodımır Putinniñ yañı emirine köre alınğan rusiye pasportlarını tanımaycaq. Bunıñ aqqında brıfingte TİN vekili Ğerğiy Tıhıy bildirdi.
Onıñ sözlerine köre, şimdi VİT-da bulunğan ukrainler şahsiy telükesizligine köre areket etmeliler. Ukraina, olarnıñ rusiye "qanuniyleştirüvini" tanımaz, olar ep bir Ukraina vatandaşları olıp qalalar.
"Biz AİT-da bulunğan ukrainlerni Ukrainanıñ nezareti astında olğan territoriyasına qaytmağa çağıramız. VİT ve RF-dan ukrainlerniñ mecburiy sürgünligi aqqında emiri – böyle kibi ilk vesiqası degil. O, qanunlarnıñ bozuluvı ve taqip etüvi, rusiye vesiqalarnıñ aluvına mecbur etüvi. Emir, tınç çezilüvine dair Rusiyeniñ arizalarına uymay", – dedi Tıhıy.
Daa haber etkeni kibi, Ukraina, bu emirini "Ukraina Rusiyege qarşı" davasında isbatı olaraq almağa talabınen Halqara cinaiy makemesine muracaat ete.
Telegram, WhatsApp ve Facebookta Suspilne Qırım haberlerine abune oluñız
