Qırımdaki rusiye radiolokatsiya stantsiyalarına (RLS) ücüm vaqtında, Baş istihbarat idaresi "Prymar" mahsus bölüginiñ arbiy dronı, Rusiyeniñ "Pantsır-S1" kompleksinden yapılğan raketa ücümini qaçırdı.
Baş istihbarat idaresi (Bİİ) Telegram kanalında bunı bildirdi.
İnternette derc etilgen videolarda, dron, Rusiye işğalcileriniñ "Pantsır-S1" ava mudafaası kompleksinden çıqarılğan raketağa qarşı "qaçtı". Bundan soñ ukrain dronı maqsadına irişti.
Bİİniñ malümatına köre, ücüm vaqtında 13 rusiye RLS zarar kördi:
48â6-K1 "Podlot" (2 adet)
1L125 "Niobiy-SV" (2 adet)
39N6 "Kasta 2E2" (3 adet)
9S19 "İmbir"
"Nebo-SV"
S-300VM
"Nebo-M"
59N6-E
"Protivnik-GE"
"Mıs" BRLS
Bundan da ğayrı, S-300VM çıqarıcı qurulışı, ST-68 RLS ve 39N6 "Kasta 2E2" RLS komandanlıq noqtaları, daa üç Rusiye Pantsır-S1 raketa-top kompleksleri, S4236 leyhasınıñ naqliyat-çekici gemisi, Födor Urüpin universal çekicisi ve Rusiye işğalcileriniñ Mi-8 vertolötı uruldı.
Telegram, WhatsApp ve Facebookta Suspilne Qırım haberlerine abune oluñız
