"Açuvlı Mavka" areketiniñ iştirakçileri Qırımnıñ işğaline qarşı daa bir narazılıq aktsiyasını Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) teşkil ettiler. Şeerniñ soqaqlarında "Rusiye baarine yoq ayt" ve "Ukraina birlik" yazılarınen fotopostlar yapıldı ve ağda derc etildi.
Areket Telegramda bunı bildirdi.
"Bugün, işğalciler "birleşüv künü"ni qayd etkende, Sevastopollılar (Aqyarlılar — terciman) aqiqiy birleşüv tek Ukrainanen ola bilecegini köstereler. Ukrain medeniyeti, tili ve Qırımnıñ ruhu Rusiye mefküresinen deñiştirilmez. Qırım Ukraina edi, bar ve olacaq", — dep aytıla haberde.
Hatırlatamız ki, işğalciler Qırımnıñ Rusiye Federatsiyasına qoşulması aqqında qanunsız añlaşmanıñ imzalanğan kününi "birleşüv künü" dep adlaylar. Bu 2014 senesi saban ayınıñ 18-nde, 11 yıl evelsi edi.
Telegram, WhatsApp ve Facebookta Suspilne Qırım haberlerine abune oluñız
