Kuba, afrikalı ülkelerniñ sırası ve Rusiyeniñ tarafdarı olğan başqa devletlerniñ yalçıları Ukrainağa qarşı cenkleşmek içün işğal etilgen Qırımda arbiy azırlanuvını keçeler. Ukraina İstihbaratınıñ Baş İdaresinde qayd etkenleri kibi, rusiye mahsus hızmetleri ecnebiylerni celp etmek maqsadınen dünya boyunca kezeler.
İşğalciler olarnı nasıl celp eteler, ne içün aynı işğal etilgen yarımadası yalçılarnıñ ögrenüvi içün oñaytlı poligonı olğan ve ukrain Tışqı işler nazirligi buna nasıl qarşı çıqmağa tırışqanı aqqında Suspilne Qırım bilip olur.
Poligonlar ve celp etüv taktikası
2024 senesi boş ayında "Ateş" arbiy-partizan areketinde işğal etilgen Sevastopoldeki (Aqyar) Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı"Kazaçıy" poligonında "yerli qıyafetine has olmağan" arbiyleriniñ bulunuvını qayd etkenlerini iddia etkenler.
Partizanlar bildirgenleri kibi, o, rusiye arbiylerinen ögrenilgen Kuba ve afrikalı ülkelerniñ sırasından yalçılarıdır.
Sevastopoldeki aynı poligonında yerleştirilgen RF deñiz pihotasınıñ 810-cı brigadasından esir etilgen rusiye askeri Pavlo Funtıkov bu malümatnı tasdıq etken.
"Çinliler, koreyalılar, filippinliler, araplar bar edi. Olarnı Feodosiyağa (Kefe)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı. Bizni ise – Voronejge oqutuvlarğa. Okoplarnı qazğanda poligonda üç qurşun bergenler. Üç qurşun: turıp, oturıp ve yatıp, episi bu. Andar Kurskqa alıp ketirgenler", – tarif etti o.
Rusiye ordusına insan resursı yetmey. Buna baqmadan, olarnıñ mahsus hızmetçileri ecnebiylerni celp etmek içün dünya boyu kezeler, tarif eteler İstihbaratnıñ baş idaresinde. Anda deyler ki, olarnıñ qısmı, şahsiy arbiy kampaniyalarına qatnıy, başqaları – RF Silâlı quvetlerinen muqavelelerni imzalaylar.
"O, ekseriyetinen Rusiyege qol tutqan ülkeler. Olarnı celp etip siz Silâlı quvetlerinde olıp, amma qurucılar, aşçılar, kim olsa da olıp çalışacaqsıñız, eñ büyügi – mudafaanıñ ekinci ya da üçünci şeritinde olacaqsıñız, ileri mevzimlerine sizni yibermeycekler dep vade eteler. Rusiye ep aldata, buna köre, şaşırtacaq olğan bir şey yoq", – añlattı Suspilne Qırımğa Ukraina MN İstihbaratınıñ baş idaresiniñ vekili Andriy Çernâk.
Ukrainada yasaq etilgen rusiye "VKontakte" ağında RF ordusına muqavele hızmetine ecnebiylerniñ, ayrıca işğal etilgen Qırımnıñ arbiy bölüklerine davet etüvinen ilânları bar. "Yüksek aylığından" ğayrı, şunı teklif eteler:
"Arbiy biletini yapamız, avia ve demiryol biletlerni satın alamız, qarşılaymız, yetekçi 24/7 bağda. Hastalıqlarnen eyyetini keçip ecnebiyler içün RF vatandaşlığını almağa yardım etemiz".
Ne içün Qırım işğalcilerge yalçılarnıñ ögretüvi içün oñaytlı olğan
Ukrain istihbaratında qayd etkenleri kibi, işğal etilgen yarımadasında yalçılarnı ücüm ameliyatlarnı tek topraqta degil de, suvda da keçirmege ögreteler.
"Dnipronı ücüm etmege olarnıñ istegi bar olğanını bilemiz. Anda bazıda ıntıluvlarnı bile keçireler. Soñra olarnı mahv eteler ve olarnıñ ıntıluvları muvafaqiyetsiz olalar. Amma şübesiz Qırım – arbiy poligonlar, arbiy oqutuv merkezlerine yahşı çalışmağa imkân yaratqan territoriyasıdır. Buna köre, aynı vaqtınca işğal etilgen Qırımnıñ territoriyasında bu oqutuvlarnıñ keçirilmesi añlatıla", – añlattı Andriy Çernâk.
Qırımda arbiy faaliyetiniñ kerginleşüvi
Qırımtatar resurs perkeziniñ malümatlarına köre, 2023 senesi Qırımda eñ azdan 124 oqutuvnı keçirdiler – evelki üç yılından üç kerege ziyade.
"Qırımda buyuq miqyaslı oqutuvlar aqqında laf etmek keregi yoq. Er qısım, bölük cenkâver azırlanuv tedbirleri üzerinde yahşı etip çalışalar. Deñiz pihotasınıñ 810 brigadası da. Onı ep mahv eteler. Anda yañı burâtlarnı alıp ketireler – olarnı ögretip kene de yoq etmek kerek. O, top ateşini – "tank direktrisası", istihbaratçı şeriti, umumiy arbiy şeritini açmağa fırsat bergen qara komponentli poligonlarından biridir. Avtodrom da", – tarif etti Suspilne Qırımğa "Startegiya XXI" globalistik merkeziniñ telükesiz programmalarınıñ reberi, Ukraina ADQ-niñ yedekteki il mertebeli kapitanı Pavlo Lakiyçuk.
Yalçılarnıñ sayısı ve taqdiri
Ukrain istihbaratınıñ malümatlarına köre, rusiye mahsus bölüklerinde ecnebiylerniñ tahminen 1% cenkleşe. Daa 2% – başqa bölüklerde. O, çoqusınen pihotalı ve maşnalı bölüklerine celp etilgen 20 biñge qadar arbiyi.
"Ecnebiylerniñ sayısı büyük ve ileride havflı ola bilgenini de aytıp olamaymız. Amma başqa ülkelerden insanlar Ukraina territoriyasına insanarımızğa, halqımızğa qarşı cenkleşmege kelgenleri – mesülietligini çekmek kerek olğan arbiy cinayetçileridir", – qayd etti Ukraina MN İBİ vekili.
Kuba ve afrikalı ülkelerdeki asılılarından ğayrı, işğal ordusınıñ sırasını 2024 senesiniñ soñundan itibaren şimaliy koreyalı askerleri de tolduralar. İBİ-de soñkiler – RF Kursk vilâyetinde büyük ğayip etüvlerine oğraanını qayd eteler.
"Radio uzlaşuvına köre, rusiye bölüklerniñ terkibinde cenkleşken bütün ecnebiylerni rusiyeliler insan dep saymağanını köremiz. Yani o, ekinci-üçünci nevli mahlüqlarıdır. Olar yaralanğan ya da elâk olğan soñ olarnı cenk meydanından evakuatsiya etmeyler de, aceset izleri qalmasınlar dep ynı bu yerini ağır ateş atıcı sistemalarınen uralar. Yaynılav yapıp er bir ödev keçirip olamasınlar dep", – qayd etti Andrıy Çernâk.
Diplomatik cebesinde Ukrainanıñ areketleri
Ukraina TİN, ülkelerni RF tarafında cenkte olarnıñ vatandaşlarnıñ iştirağı aqqında faal tarzda bildire. Afrika, Yaqın Şarq, Asiya, Latin Amerikası, Avropalı ülkeleri aqqında söz kete, qayd etti Suspilne Qırımğa Ukraina TİN vekili Ğeorğiy Tıhıy.
"Er yerde em halq ögünde, em de gizli tarzda olarnı çağırıp bu telükesi aqqında ihtar etemiz. Rusiye, sizlerni anda celp ete, sizge bir şeyni teklif ete bile, sizge ihtimaldan tış kibi körüngen bir şeyni teklif ete bile, amma aqiqaten episi bu siz içün pek fena biter. Yani bizim tarafımızda ecnebiyler cenkleşkende – o, qanuniydir, amma dveletimizni ücüm etken tecavuzcılarnıñ tarafında cenkleşseler, qanunsızdır, ahlâksızdır", – dep añlattı Tıhıy.
Rusiye tarafında endi cenkleşken ecnebiylerni ukrain tarafı esirge teslim olmağa çağıra. İleride deñişüv ihtimalinen Jeneva şartnamelerine riayet etüvini ve ömürini kefalet ete.
Telegram, WhatsApp ve Facebookta Suspilne Qırım haberlerine abune oluñız
