"Qırım" teleradiokompaniyası" işğalli media-holdinginiñ baş muarririyetine qarşı qabaatlav aktları makemege, media qullanuvınen Ukraina toprağınıñ vaqtınca işğalini aqlavUkraina CQNiñ 436-2. maddesiniñ 3-nci qısmı ve duşmannen işbirlik faaliyetiUkraina CQniñ 111-1. maddesiniñ 6-ncı qısmıne dair maddeler boyunca berildi. O 12 yılğa qadar apis cezası, 15 yılğa qadar faaliyet yasağı ve mal-mülkniñ musadere etilmesine üküm etile bile.
Saban ayınıñ 14-nde Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlığı bu aqqında haber berdi.
Taqiqatnıñ malümatına köre, 2019 senesi orta küz ayında o, Qırımnıñ işğalli İçki siyaset, malümat ve bağ nazirliginiñ idaresi altında bulunğan bu matbuat hızmetiniñ baş muarriri oldı. Mediaholdingniñ erkânına 16 Rusiye tarafdarı olğan media kire.
"Qabaatlanğan, yarımada sakinleriniñ añlarına tesir etmek maqsadınen içtimaiy ağlardaki saifesini qullana, mında duşmanğa qol tutmaq maqsadınen malümat tarqata ve Ukraina toprağınıñ qısmınıñ vaqtınca işğalini aqlay", — dep aytıla haberde.
Bundan ğayrı, 2022 senesi berim ayında "jurnalist" Herson vilâyetiniñ VİETvaqtınca işğal etilgen topraqlarında RF matbuat vastalarınıñ yayınlavı başlağanı aqqında "Qırım" teleradiokompaniyasınıñ yayınında iştirak etti, anda o, Rusiye ve onıñ işğalli memuriyetine açıqtan-açıq qol tuttı.
Hatırlatamız ki, daa evel "Qırım" TRKnıñ baş müdirini 12 yılğa qadar apis cezasına ğıyabiy şekilde maküm ettiler, işğalli media-holdingniñ baş prodüserinen bağlı qabaatlav aktı ise şimdi makemede baqıla.
Telegram, WhatsApp ve Facebookta Suspilne Qırım haberlerine abune oluñız
