Herson şeerinden hırsızlanğan ukrain göñüllisi, cemaat faalcisi İrına Ğorobtsova, Qırımda işğalciler tarafından "casuslıq" içün 10,5 yılğa apis cezasına maküm etilip, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) SİZOTaqiqat izolâtorısından çıqarıldı. Onıñ soy-soplarınıñ malümatına köre, siyasiy mabüs Moskvada apellâtsiya oturışına alıp ketecekler.
Onıñ qardaşı Olena Korniy saban ayınıñ 12-nde "Gratı" neşirine haber etti.
Tuvğanınıñ aytqanına köre, faalcini tahminen saban ayınıñ 3-nde taqiqat izolâtorından Qırımğa alıp kettiler.
"Onı apellâtsiya makemesine alıp kettiler. Onıñ ile bağ yoq. Mektüpleşüv daa yoqtır. Advokatnen bağ yoq. İlâclar yalıñız Simferopolda olğanda göñüllilerden ala edi", — dey Olena.
Bunı İrınanıñ babası Volodımır Ğorobtsov da tasdıqladı. Onıñ malümatına köre, onı Krasnodarğa etap etip, Rostov-na-Donudan Moskvağa alıp ketecekler.
Adamnıñ qayd etkenine köre, apellâtsiya oturışı saban ayınıñ 12-ne belgilengen edi, lâkin onı başqa künge qaldıracaqlar.
Tam bir tarih daa belli degil, amma saban ayınıñ soñuna qadar olacaq, dep tahmin etem. Bu — şimdilik bilgenimiz", — dep Volodımır Ğorobtsov ayttı.
İrına Ğorobtsova aqqında ne bilemiz
İrina Gorobtsova — İT şirketinde testçi ve cemaat faalcisidir. Herson Rusiye tarafından işğal etilgen vaqıt o, yerli hastahanege yardım ete edi: uzaq rayonlardan ekimlerni alıp kete edi, aşayt malları, ilâc ve bağlayıcı malzemelerni qıdırıp ketire edi, ayrıca Herson vilâyetiniñ uzaq meskün yerlerindeki ağır hastalarğa ilâc ketire edi. Bundan da ğayrı, Hersonda Rusiye işğaline qarşı keçirilgen barışıq toplaşuvlarına barıp, içtimaiy ağlarda fotoresimlerini derc ete edi
2022 senesi mayısnıñ 13-nde, faalciniñ doğğan künü, Hersonda İrına Ğorobtsova ve ana-babasınıñ yaşağanı çoq daireli evge Rusiye arbiy hızmetlerinde belgisiz şahıslar keldiler, evini tintip, İrınanı alıp kettiler, ana-babasına onı sorğuğa alıp ketkenlerini ayttılar. Tintüv vaqtında faalciniñ noutbukı ve cep telefonı tutıp alındı. İrınanen bağ yoq edi, ve ana-babası Hersonda Rusiye işğalli memuriyetine muracaat etmege qarar aldı. Anda olarğa qızını Qırımğa alıp ketkenlerini bildirdiler.
Tintüv vaqtında faalciniñ kompyuteri ve cep telefonı tutıp alındı. İrına ile bağ yoq edi, ve ana-babası Hersonda Rusiye işğalli memuriyetine muracaat etmege qarar aldı. Anda olarğa qızı işğal etilgen Qırımğa alıp ketilgenini bildirdiler.
2024 senesi yazda Herson vilâyetiniñ işğalli makemesi faalcige "casuslıq" davasında 10 yıl ve 6 ay apis cezasını berdi.
Apiske alınmazdan evel, Rusiyeniñ istilâsından evel, oña aqıl anevrizması diagnozı qoyulğan edi, bu ise tibbiy yardım ve nezaretke muhtac olğan bir vaziyet.
2024 senesi ilk qış ayında İrınadan, alı fenalaşqanı ve tutulğan Simferopol SİZOsında tibbiy yardımnıñ yetmemezligi aqqında aytqanı aqqında mektüp keldi.
Telegram, WhatsApp ve Facebookta Suspilne Qırım haberlerine abune oluñız
