Rusiye işğalcileri tarafından müstemlekde 10,5 yılğa üküm etilgen mabüs İrına Ğorobtsova Moskovağa apellâtsiya baqıluvına ketirile. Kiçik aynıñ 24-nde etap etilecek.
Qadınnıñ babası Volodımır Ğorobtsov Suspilne Qırımğa bunı añlattı.
Adamnıñ aytqanına köre, İrına şimdi Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) taqiqat izolâtorında buluna. Ailesi Qırımğa aşayt malları, ilâclar ve urba yollay.
"O, ceza izolâtorında internet tükânından mahsulatnı satın ala bile. Para göñülliler vastasınen yollaymız", — dep Volodımır Ğorobtsov tarif etti.
O şunı da qoştı ki, kamerada İrınanen beraber aynı qabaatlavlarnen daa beş qadın buluna.
"Esir etilgen qadınlarnı tez vaqıtta deñiştirmege ümüt etemiz", — dep siyasiy mabüsniñ babası qayd etti.
İrına Ğorobtsova aqqında ne bilemiz
İrina Gorobtsova — İT şirketinde testçi ve cemaat faalcisidir. Herson Rusiye tarafından işğal etilgen vaqıt o, yerli hastahanege yardım ete edi: uzaq rayonlardan ekimlerni alıp kete edi, aşayt malları, ilâc ve bağlayıcı malzemelerni qıdırıp ketire edi, ayrıca Herson vilâyetiniñ uzaq meskün yerlerindeki ağır hastalarğa ilâc ketire edi. Bundan da ğayrı, Hersonda Rusiye işğaline qarşı keçirilgen barışıq toplaşuvlarına barıp, içtimaiy ağlarda fotoresimlerini derc ete edi
2022 senesi mayısnıñ 13-nde, faalciniñ doğğan künü, Hersonda İrına Ğorobtsova ve ana-babasınıñ yaşağanı çoq daireli evge Rusiye arbiy hızmetlerinde belgisiz şahıslar keldiler, evini tintip, İrınanı alıp kettiler, ana-babasına onı sorğuğa alıp ketkenlerini ayttılar. Tintüv vaqtında faalciniñ noutbukı ve cep telefonı tutıp alındı. İrınanen bağ yoq edi, ve ana-babası Hersonda Rusiye işğalli memuriyetine muracaat etmege qarar aldı. Anda olarğa qızını Qırımğa alıp ketkenlerini bildirdiler.
Facebook, Instagram ve Telegramda haberlerimizni oquñız, bizim YouTube ve TikTokımıznı baqıñız
