Rusiye işğaliniñ 11 yıl içinde eñ azdan 28 qadın, Qırımda cinaiy taqiplerine oğrağan. İşğalcilernen qanunsız tarzda açılğan davalarnıñ tahminen yarısı – qadınlarğa qarşı.
Bunı Qadınlarnıñ aqları oğrunda küreş kününde Qırımda Ukraina prezidentiniñ temsilciligi hatırlata.
"Olardan bazıları apiste buluna – İrına Ğorobtsova, Valeriya Ğoldenberğ, İrına Danılovıç, Ğalına Dovğopola, Nina Malahova, Oksana Senecuk, Ğanna Suhonosova. Başqaları – işğalcilerniñ daimiy basqısı astında ya da "icraiy müddetinde" bulunalar. Bazıları işten çıqarılğan olsalar da, tuvğan yarımadanı terk etmege mecburlar", – denile beyanatta.
Olarnıñ küreşi aqqında laf etmesi, olarnıñ ailelerine qol tutması, dünyağa işğalcilerniñ qanlı cinayetleri aqqında hatırlatması müim, – yaza temsilcilik.
Hatırlatayıq ki, 2024 senesi Qırımtatarresurs merkezi, Qırımda qanunsız cinaiy taqip etüvine oğrağan 26 qadını aqqında haber etken edi.
Telegram, WhatsApp ve Facebookta Suspilne Qırım haberlerine abune oluñız
