Saban ayınıñ 6-ncı sabası Rusiye eki gemisini — umumen sekiz "Kalibr" qanatlı raketasınıñ taşıyıcısı olğan eki gemisini Qara deñizge arbiy hızmetke yolladı. Azaq deñizde ise Rusiye gemileri qayd etilmedi.
Ukraina SQniñ Arbiy-deñiz quvetleriniñ matbuat hızmeti Facebookta bunı bildirdi.
Aynı zamanda Aq deñizde ise dört Rusiye gemisi bar, olardan üçü — umumen 26 "Kalibr" qanatlı raketasınıñ taşıyıcısıdır.
Bundan ğayrı, keçken künü Rusiye Federatsiyasınıñ menfaatları içün Keriç boğazından Qara deñizge gemiler keçmedi. Keriç boğazından Azaq deñizine ise sekiz gemi keçti, olardan biri İstabul boğazına areket etti.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Telegram, WhatsApp ve Facebookta Suspilne Qırım haberlerine abune oluñız
