Jamala yırcısınıñ QIRIM albomından ARAFAT DAĞINDAN yırı Munich Music Video Awards (MMVA) mukâfatınıñ üç namzetinde ğalebe qazandı.
Yırcı Facebookta bunı bildirdi.
Onıñ aytqanına köre, yır üç namzetlikte ğalebe qazandı: eñ yahşı yır, eñ yahşı rejissör ve eñ yahşı urba.
Hatırlatamız ki, "ARAFAT DAĞINDAN" yırınıñ klipi Megogo Music Awards 2024 versiyasında yıl klipı oldı. Videonıñ rejissörı — German Nenov, o daa Liverpulda "Eurovision-2023" yarışınıñ icadiy müdiri edi.
QIRIM — Jamalanıñ yedinci studio albomıdır. O, 14 qırımtatar yırlarından ibaret, taqdim merasimi 2023 senesi mayısnıñ 5-nde olıp keçti.
Munih Music Video Awards (MMVA) — bütün dünyadan eñ yahşı muzıka videolarını taqdim etken er yıllıq festivaldir.
Telegram, WhatsApp ve Facebookta Suspilne Qırım haberlerine abune oluñız
