İnsan aqları boyunja Yuqarı şurasınıñ vekili Dmıtro Lubinets, qırımtatar halqnıñ lideri, halq deputatı Mustafa Cemilev, Ukraina musulmanlarınıñ "Umma" din idaresiniñ baş müftiyi Murat Suleymanov ve arbiy musulmanları Ramazan aziz ayınıñ başlanuvınen musulman cemiyetini hayırladılar.
Musulmanlarğa uyğun muracaatlarını uvut aynıñ 28 ve saban aynıñ 1 öz Facebook saifelerinde yayınladılar.
"O, göñül temizlevi ve merametli işleriniñ muqaddes vaqıtıdır. Medinetler ve dinleriniñ çeşiti, cemiyet aenkiniñ esası olğan Ukrainada Ramazan, tolerantlıq ve bir-birine ürmetiniñ timsali ola. Musulman cemiyetiniñ vekilleriniñ çoqusı, cebede ülkemizni imaye etip ğalebe içün cebe arqasında çalışa. Ukraina çeşit türlü, amma yekânedir", – qayd etti Ukraina vekiliniñ ofisi.
Anda şunı qoştılar ki, Ramazanğa er musulman riayet etip olamay. Rusiye esirliginde olarnıñ öyle aqqı yoq, o ise – "din kimliginiñ mahv etüvine yoneliş tutqan rusiye siyasetiniñ diskriminatsiyasınıñ qısmı" ola.
"Olarnıñ serbest etüvi içün çalışmağa devam etemiz", – dedi Lubinets.
Ramazan, Ukrainadaki musulman cemiyetine "bütün samimiy dualarınıñ kerçekleştirüvi, ümüt ve yarıq qaranlıqnı niayet qazanacağına qattı işançını" ketirsin dep tiledi.
"Bu muqaddes vaqtı – göñülliniñ temizlevi içün nevbetteki fırsatıdır. Er merametli niyetlerimiz kerçekleştirsin ve Ramazan bitken soñ daa çoq yekâne olıp işançlı olurmız. Dualarımıznıñ episi – Ğalebe, toprağımızda qanuniyetsizliginiñ ve cemiyet tertibiniñ toqtatuvı, evlerimizdeki çastlıq ve bereket içündir", – muracaat etti musulmanlarğa qırımtatar halqnıñ lideri Mustafa Cemilev.
Aynı zamanda Ukraina musulmanlarınıñ "Umma" din idaresiniñ baş müftiyi Murat Suleymanov, endi dörtünci Ramazannı ukrain musulmanları büyük miqyaslı cenk şaraitlerinde qarşılaylar.
"Amma işançımıznı coymaymız, çünki Ramazan ayı – işançlar ve ğalebeler ayıdır. Devletimizdeki qıyın vaziyetine baqmadan, Alla Taalâ, bizge bu ğalebeni bereceginde eminmiz, çünki olayatqanı – onıñ istegi ve ihtiyarı ile. Alladan bizge bu ibadetini keçirip Ramazan ayında bütün ücretini tutmağa acet isteymiz", – qayd etti o.
Daa Suleymanov Ukraina Silâlı qvuyetleriniñ imamı Pavel Fedosovnen beraber ukrain arbiy musulmanlarına muracaat ettiler. Müftiy, Alla Ukrainanıñ işğal etilgen bütün territoriyalarını qaytarıp tınç yaşımağa fırsatını bersin dep istegen.
"Bizni ep ayartqan ya da aq yolundan saptırmağa tırışqan yamanlıqqa qarşı turmağa tilemege isteyim. Bizge ücüm etken ya da bunı yapmağa yardım etken duşmannen em yürekte em göñülde küreşiñiz. Beraberlikte mıtlaqqa Alla Taalânıñ yardımı ile ğalebe qazanırmız!", – bildirdi Pavlo Fedosov.
Daa Ramazan aziz aynıñ başlanuvınen musulmanlarnı Ukraina baş naziri Denis Şmığal ve mudafaa naziri Rustem Umerov hayırladılar.
Hatırlatayıq ki, musulmanlarnıñ muqaddes orazası, saban aynıñ 1-den 29-na qadar sürecek.
Telegram, WhatsApp ve Facebookta Suspilne Qırım haberlerine abune oluñız
