Türkiyeniñ paytahtı olğan Anqarada saban aynnıñ 1 ukrain-poloniyalı kino künleri içinde "Serbest ruhı" muzakere paneli ötkerildi. Onıñ içinde Qırımnıñ rusiye işğaline tirenüvi ve Ukrainağa destegini muzakere ettiler. Tedbirde ukrain, poloniyalı ve qırımtatar cemiyetlerniñ vekilleri iştirak etkenler.
Bunıñ aqqında Qırım haber agentligi (QHA) bildirdi.
Türkiyede AB-niñ temsilciliginiñ baş muavini Yurgis Vilçinskas, rusiye ücümi tek Ukrainağa bağlı olmayıp dünya intizamına telükeli olğanını qayd etti.
"Epimizni bağlağan ümdeler aqqında söz kete. Suverenitet, halqara aqqı, insan itibarı aqqında söz kete. Ve bir millet sıñırlarnı quvet ile deñiştirip olacağına inanğanda dünya daa havfsız olmağa başlay", – qayd etti o.
Vilçinskas şunı qoştı ki, Türkiye ve Avropa Birligi, "yuu ücümini eñ qattı sözlerinen makeme etip" Ukrainanıñ mustaqilligine qol tutqanlar. O, Ukrainağa qol tutmağa devam etilmesine çağırıp sıñırları quvet ile deñiştirmegen dünyada yaşayışı "üstün olması degil de, aqqı olğanını" qayd etti.
Poloniya temsilciliginiñ işlerini vaqtınca icra etken Matsey Kamenâk, Rusiye, "terornı qullanıp er esas ümdesini, ayrıca, suverenitet ve milletniñ territorial bütünlik ümdelerini bozğanını" bildirdi. Daa, onıñ sözlerine köre, Kreml, "serbest dünyadaki ülkelerini qorqutmağa" tırışa.
"Biz, poloniyalılarımız, azatlıqqka qıymet kesemiz. Onıñ oğrunda küreşip ne qadar qan aqqkan! Serbestlikni adiy olğan şeyni qabul etmege olmağanını pek yahşı bilemiz, ve aynı bu daqiqa ukrain qız-ağa qardaşlarımız ellerinde silâ ile öz serbestlik oğrunda küreşmekteler", – qoştı Kamenâk.
Ukraina ve Poloniya, AB-niñ vekilleri ve Kavaklidere Medeniy merkezinen teşkil etilgen panel, saban aynıñ 2-ne qadar sürecek olğan "Serbestlik ruhı" ukrain-poloniyalı kino künleri çerçivelerinde olıp keçken.
Uvut aynıñ 28 Under The Volcano ("Yanardağ astında") şeritni taqdim ettiler. Saban aynıñ 1 As it Was ("Nasıl olğan edi") ve The People ("İnsanlar") filmlerni kösterdiler, saban aynıñ 2 – Taste of Freedom ("Serbestlik tadı").
Türkiyede Ukrainanıñ vaqtınca vekili Öleksiy Çernışov ğarpnıñ vazifesi, "ukrain halqnıñ sebatı ve ittifaqdaşlarımıznen birdemligini" köstermege olğanını qayd etti.
"Bu filmler pek farqlı. Olarnıñ er biri, azatlıq oğrunda küreşimizniñ esası olğan küreş, ümüt, sebatınen tolu özüne has olğan ikâyeni tarif ete", – qayd etti o.
Telegram, WhatsApp ve Facebookta Suspilne Qırım haberlerine abune oluñız
