Ukrainada makeme, "Sevastopol qanun çıqarıcı toplaşuvınıñ mebusı" olğan ukrain vatandaşını duşmannen işdeşlik faaliyetiUkraina CQniñ 111-1. maddesiniñ 5-nci qısmı sebebinden 8 yılğa apis cezasına maküm etti. O, 12 yıl devamında devlet ve yerli akimiyet organlarında vazifelerini eda etmekten de yasaqlandı.
Kiçik aynıñ 27-nde Qırım MC ve Sevaatopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlığı bunı bildirdi.
"Balıqlava belediyesiniñ mebusı" olğan adam 2022 senesi arman-berim aylarında "Yedinaya Rossiya" siyasiy firqasından Aqyarnıñ işğalli qanun çıqarıcı organına qoşma saylavlarda iştirak etti, dep prokurorlıq bildirdi.
O vaqıt işğalciler onı 1-nci saylav okrugı boyunca "Sevastopol qanun çıqarıcı toplaşuvınıñ II çağıruvı"nıñ mebusı olaraq tayinlediler, eki yıldan soñ ise adam "III çağıruvnıñ mebusı" mandatını aldı.
Maküm etilgen işğal etilgen Qırımda Rusiyeniñ "normativ-uquqiy aktları"nı azırladı ve amelge keçirdi. Meselâ, "2022 senesi ilk qış ayında qabul etilgen" "SVO" iştirakçilerine içtimaiy destek aqqında Sevastopol şeeri qanunını" azırladı.
Prokurorlıq qayd etti ki, adam Qırım sakinleri arasında Ukraina akimiyetini itibardan tüşürmek içün "malümat aktsiyaları" keçire. Rusiye işğalcilerinen faal işbirligi içün "Putin taqımı" umumrusiye halq cebesiniñ mukâfatınıñ laureatı ola.
Qırım MC ve Aqyar şeeriniñ prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram,WhatsApp ve Facebookta Suspilne Qırım haberlerine abune oluñız
