Ukraina makemesi Qırım Muhtar Cumhuriyetiniñ VI çağırılış Yuqarı Şurasınıñ sabıq mebusını devlet hainligiUkraina CQniñ 111-nci maddesiniñ 1-nci qısmı içün 13 yılğa qadar apiske aldı. 2014 senesi saban ayında o, bir sıra qanunsız qararnı qabul etti, şu cümleden "umumiy Qırım referendumı" ve "Qırımnıñ federatsiya subyekti olaraq Rusiye Federatsiyasınıñ terkibine kirmesi" aqqında.
Kiçik aynıñ 24-nde Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bu aqqında haber berdi.
Taqiqatnıñ malümatına köre, 2014 senesi çiçek ayında maküm etilgen adam işğal etilgen Qırım parlamentiniñ nevbetten tış toplaşuvında "Qırım Cumhuriyeti Anayasası"nıñ qabul etilmesi içün rey berdi.
2014-2021 seneleri devamında "Yedinaya Rossiya" firqasınıñ Qırım bölge bölüginden "Qırım Cumhuriyeti Devlet Şurası"nıñ mebsuı, 2021-2022 seneleri ise — RF Devlet Dumasınıñ mebusı vazifesini qanunsız şekilde eda etti.
Bundan ğayrı, muhtariyet prokurorlığı qayd etti ki, adam Avropa Birligi, AQŞ, Büyük Britaniya, Avstraliya, Yaponiya ve başqa memleketlerniñ sanktsiyaları altında buluna.
Qırım MC ve Aqyar şeeriniñ prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram,WhatsApp ve Facebookta Suspilne Qırım haberlerine abune oluñız
