11 yıllıq Qırım işğali devamında 385 insan siyasiy sebeplerden cinaiy taqipke oğradı. Olardan 240-ı şimdi apiste buluna.
Qırım işğaline muqavemet kününe bağışlanğan matbuat konferentsiyasında (kiçik aynıñ 26 künü) Qırımtatar maaliy merkeziniñ (QMM) kommunikatsiyalar idarecisi Tetâna Savçuk bunı bildirdi.
"Qırım ve Ukrainanıñ başqa işğal etilgen topraqlarınıñ sakinleri milliy, diniy alâmetler boyunca ayırımğa oğratıla. Onıñ içün ukrain cemiyetine cenk 2022 senesi degil, 2014 senesi ise Qırımnıñ işğalinen başlağanını hatırlatmaq kerek", — dedi o.
Cemiyet işğal etilgen yarımada içün küreşniñ ne içün kerek olğanını añlamalı, dep Qırımtatar maaliy merkeziniñ idare reisi Eskender Bariiev ayttı.
"11 yıldır bu küreşni devam etemiz, bizim içün ukrain cemiyetiniñ birleştirilmesi, ukrain cemiyetiniñ Qırım Ukraina qısmı olğanını añlaması pek müimdir. Qırım içün küreşkenimizde, Ukraina topraq bütünligi, Ukraina suvereniteti içün küreşemiz", — dedi o.
Bundan evel QMMniñ bildirgenine köre, taqip etilgen 385 insandan 236-sı — qırımtatar halqınıñ vekilleri.
Merkezniñ malümatına köre, taqip etilgenniñ statusına köre 5 alt kategoriya ayırıla bile:
- maküm etilgenler ve müstemlekede ceza çekkenler (181 adam, olardan 106-sı — qırımtatar);
- sıñırlav ya da sınav müddetini alğan (53 insan, olardan 28-i — qırımtatar);
- SİZOda bulunğan (59 insan, olardan 39-ı — qırımtatar);
- apishaneden azat etilgen (57 insan, olardan 35-i — qırımtatar);
- taqip etileler (35 insan, olardan 28-i — qırımtatar).
Telegram, WhatsApp ve Facebookta Suspilne Qırım haberlerine abune oluñız
