Ukrainada Qırım İçki işler nazirliginiñ işğalli organlarınıñ eki yolbaşçısı devlet hainligiUkraina CQniñ 111-nci maddesiniñ 1-nci qısmı ve duşmannen işbirlik faaliyetiUkraina CQniñ 111-1. maddesiniñ 7-nci qısmınen bağlı qabaatlanıp makeme etilecek. Olar 15 yılğa qadar apis cezasını ala bileler.
Bunı Telegramda Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlığı bildirdi.
Qabaatlanğanlar — Ukraina vatandaşları, işğalden evel — Qırımdaki Ukraina İçki işler nazirliginiñ Saq şeer bölüginde ve Keriç şeer idaresinde cinaiy taqiqat sektorlarınıñ vekilleri edi. Yarımada işğal etilgen soñ duşman tarafına keçti.
"Aytmaq kerek ki, 2014 senesi qabaatlanğanlardan biri "Rusiye İçki işler nazirliginiñ "Saq" şeerlerara bölüginiñ cinaiy taqiqat bölüginiñ yolbaşçısı", 2017 senesi ise "Rusiye İçki işler nazirliginiñ Kezlev şeerindeki bölüginiñ polis yolbaşçısınıñ muavini" vazifesini becere edi. Bundan soñ, 2022 senesi mayıs ayında, o, "Rusiye İçki işler nazirliginiñ Kezlev şeerindeki bölügine" ve 2023 senesi aprel ayında — "Rusiye İçki işler nazirliginiñ Yalta şeerindeki idaresine" göñülli olaraq yolbaşçılıq etti, — dep aytıla haberde.
Diger qabaatlanğan adam 2014 senesi işğalciler tarafından "Keriçte Rusiye İçki işler nazirliginiñ 1-nci polis bölüginiñ cinaiy taqiqat bölüginiñ yolbaşçısı" olaraq tayin etildi, 2022 senesi bozarğan ayında ise "Yedi Quyu (Lenin) rayonında" Rusiye İçki işler nazirliginiñ bölüginiñ yolbaşçısı vazifesini aldı.
Mahsus makemeden evel taqiqatlarnı Qırım MCdeki UHH Baş idaresinde keçire ediler.
Telegram, WhatsApp ve Facebookta Suspilne Qırım haberlerine abune oluñız
