"Nefes" cemaat teşebbüsi kiçik aynıñ 21-nde qayd etilgen Halqara ana tili kününe er yıllıq qırımtatar tilinde onlayn imlâ keçirecek.
"Nefes" öz Facebook saifesinde bu aqqında haber etti.
İmlâ 2025 senesi kiçik aynıñ 21-nde saat 19:00 (Kıyiv vaqtına köre) "Nefes" YouTube kanalında ve teşebbüsniñ Facebook saifesinde yayınlaycaqlar, dep teşebbüs bildirdi. Bundan da ğayrı, yayınnı "Cemaat media" cemaat mustaqil media alıp baracaq.
2019 senesi ilk sefer keçirilgen, bu ise qırımtatar tilinde yedinci onlayn imlâdır.
Bu sene metinni terciman, muarrir, qırımtatar tili ocası Mayye Safet yazdı, onı ise tilşınas, qırımtatar tili ocası ve terciman Mamure Çabanova oquycaq.
"Nefes" teşebbüsiniñ koordinatorı, cemaat jurnalisti ve faalcilsi Elmaz Akimovanıñ aytqanı kibi, qırımtatar tiliniñ onlayn imlâ — dünya tamır halqlarınıñ tilleri halqara on yıllığı çerçivesinde (2022-2032) ana tiline qoltutuv aktsiyasıdır.
"2022 senesinden 2024 senesine qadar cemaat teşebbüsi er yıllıq onlayn imlân qırımtatar faalcilerine, "Nefes" taqımınıñ göñülli azalarına bağışladı: Nariman Celâlğa (o, 2024 senesi bozarğan aynıñ 28-nde Ukraina tarafından Rusiye apishanesinden qaytarıldı), Asan Ahtem ve Azize Ahtemge, olar 2021 senesi berim ayından berli esirlikte bulunalar, em de Qırımdaki bütün siyasiy mabüsler ve qanunsız taqip etilgenlerge", — denile "Nefes" haberinde.
İştirakçilerniñ "Nefes" elektron poçtasına ([email protected]) öz adlarını, memleketini, şeerini ve Facebook ya da Instagram saifelerine bağlantılarını qayd etip, bir kün (kiçik aynıñ 22 künü saat 20:00-ge qadar) metin (fotoresim ya da skan) yollamaq imkânı olacaq. Qabaatsız yazılğan eserler, oqulmağan fotoresimler ve skanerler teşkerilmeycek.
Telegram, WhatsApp ve Facebookta Suspilne Qırım haberlerine abune oluñız
