Ukrainada, Rusiye ordusınıñ tarafını tutqan ve ukrainlerni taqip etkeninde şübeli olğan Qırımdaki RF Federal havfsızlıq hızmetiniñ eki hadimini maküm etecekler.
Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) prokurorlığınıñ matbuat hızmeti bu aqqında haber etti.
Qayd etilgenine köre, 2012 senesinden başlap 2013 senesine qadar Qırımdaki Havfsızlıq hızmetiniñ "ayrıca müim davalarda tahqiqatçı — taqiqat bölüginiñ kriminalisti" ve "devletniñ malümat havfsızlığı saasında devlet menfaatlarını nezaret etüv bölüginiñ baş idarecisi" olıp çalışqan eki adam makeme etilecek.
Lâkin 2014 senesi yarımada işğal etilgen soñ olar antlarını bozıp, Rusiye ordusınıñ tarafını tuttılar. Anda olar "baş cinaiy taqiqatçı" ve "Rusiye Federal havfsızlıq hızmetiniñ Qırım Cumhuriyeti ve Sevastopol şeeri boyunca vekâletlisi" vazifelerini aldılar.
"İşğalli uquq qorçalayıcı organlarınıñ vekilleriniñ vekâletlerini yerine ketirip, 2015 senesi ilk qış ayında qabaatlanğanlar Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) Ukraina vatandaşlarınıñ evlerine qanunsız kirdiler ve anda tintüv keçirdiler. Böyle areketleri içün olarğa 15 yılğa qadar azatlıqtan marum etüv ve mal-mülkniñ musadere etilmesi cezası berile bilir", — dep aytıla haberde.
Telegram, WhatsApp ve Facebookta Suspilne Qırım haberlerine abune oluñız
