Kıyiv apellâtsiya makemesi Qırımdaki İçki işler nazirliginiñ Baş idaresi yolbaşçısınıñ sabıq muavini Mıkola Fedorânnıñ ükmüni deñiştirmedi. 2024 senesi orta küz ayında devlet hainligiUkraina CQniñ 111-nci maddesinde qabaatlanıp, 12 yıl apis cezasına maküm etildi.
Birinci instantsiya makemesi (Kıyivniñ Ğolosiyevo rayon makemesi) teşkergen deliller doğru, dep kiçik aynıñ 6-nda Kıyiv apellâtsiya makemesiniñ qararında qayd etildi.
"Makeme, birinci instantsiya makemesiniñ ükmüni lâğu etmek içün sebepler olmağanına emin, şunıñ içün istinaf şikâyetini red etmek ve makeme qararını deñiştirmemek kerek. Makeme qararı ilân etilgen kününden başlap üç ay içinde kassatsioya şekilde şikâyet etile bile", — dep vesiqada yazıldı.
Hatırlatamız ki, Mıkola Fedorân eñ azından 12 kere "Çernomorneftegaz" GUP naqliyatını Rusiye FSBsiniñ hadimlerine ve Rusiyeniñ diger qanunsız uquq qorçalayıcı organlarına "Hizb ut-Tahrir" terror teşkilâtınen küreş adı altında qanunsız tutulğan Ukraina vatandaşlarını apishanelerge avuştırmaq içün bergeninde qabaatlana.
O, öz qabaatını red ete. 2024 senesi boş aynıñ 25-nde Rusiyege deñiştirüv aqqında ariza yazdı, muracaat "Hoçu k svoyim" leyhasınıñ saytında yerleştirildi, lâkin deñiştirüv olmadı.
Mıkola Fedorân aqqında ne bilemiz
Mıkola Fedorân yarımada işğal etilmeden evel Qırımdaki cemaat havfsızlığı militsiyasınıñ yolbaşçısı olıp çalışqan edi. 2011 senesi yedek vazifesinden boşadı ve "Çornomornaftogaz" devlet şirketinde naqliyat idaresiniñ yolbaşçısı olıp çalıştı. Qırım işğal etilgen soñ o, Rusiyeniñ "milliyleştirgeni" işhanede qaldı.
İşğalciler tarafından bu şirket "devletleştirilgen" ve Qara deñiz yalısında qazma platformaları zapt etilgen soñ, UHH ve muhtariyet prokurorlığınıñ versiyasına köre, Fedorân "işğalli quvetçilerge "Hizb ut-Tahrir" davalarında qanunsız tintüvler ve vatandaşlarnıñ tutulmasında muntazam sürette yardım ete edi.
Taqiqatnıñ malümatına köre, Fedorân FSB-ge hızmet naqliyatını berdi, soñra onı yerli sakinlerniñ, hususan qırımtatarlarnıñ, tintüvleri ve qanunsız apis etilmesi vaqtında qullanğanlar. Thqiqat, eñ azından 12 kere FSBge böyle yardım etkenini tüşüne.
Mıkola Fedorân 2020 senesi küzde "Kalançak" keçit noqtasında vaqtınca işğal etilgen Qırımğa çıqmağa tırışqanda tutuldı. Şübeliniñ cep telefonında Ukraina uquq qorçalayıcıları Ukraina Milliy gvardiyasınıñ sabıq komandanı Mıkola Balan ile mektüplerni taptı. Bundan da ğayrı, Fedorânnıñ yaqalanuvı vaqtında RF migratsiya hızmetiniñ qanunsız şekilde teşkil etilgen organları tarafından berilgen Rusiye pasportı tapıldı.
2020 senesi boş aynıñ 9-nda Herson şeer mahkemesi polkovnikni 2021 senesi qara qış ayınıñ 5-ne qadar apiske aldı. "Devlet hainligi" maddesine köre, oña 12 yıldan 15 yılğa qadar apis cezası berile bile. Tutulğan soñ Fedorân açlıq ilân etti, amma SİZOda bundan red etti.
Telegram, WhatsApp ve Facebookta Suspilne Qırım haberlerine abune oluñız
