Rusiye Federatsiyasınıñ milliy taqımında iştirak etken ve Rusiye ordusı içün para toplağan Qırım sabıq ukrain sportçısı 12 yılğa apis cezasına maküm etildi.
Qırım Muhtar Cumhuriyeti ve Sevastopol (Aqyar) şeeriniñ prokurorlığı kiçik aynıñ 11-nde bunı bildirdi.
Makeme onı istilâcı devletke yardım etkeniUkraina CQniñ 111-2. maddesiniñ 1-nci qısmınde qabaatladı. Apiske aluvdan ğayrı, oña idman saasında idmancılıq ve vazifelerini eda etmek yasaq etildi, mal-mülki de müsadirege alındı.
Maküm etilgen qadın — sabıq ukrain sportçısı, Avropa ve sumodan dünyanıñ bir qaç kere çempionı, 2016 senesi Qırım işğalinden soñ Rusiye Federatsiyasınıñ milliy taqımında oynamağa başladı. Prokurorlıq 2023 senesi Rusiye ordusına destek köstermek içün göñülli areketni qurğanını ve yolbaşçılığını yapqanını isbatladı. Hususan, o, Ukrainağa qarşı cenkleşken Rusiye arbiylerine, hususan Bahmutağa, berilecek arbiy donatmalarnıñ satın alınması içün para toplavını teşkil etti.
Rusiye ordusına para berüvden ğayrı, o, Rusiyege qoltutqan narativlerni kütleviy haber vastalarında açıqtan-açıq yayınladı, işğalci orduğa qoltutmağa çağıra edi.
Qırım MC ve Aqyar şeeriniñ prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp ve Facebookta Suspilne Qırım haberlerine abune oluñız
