İşğal etilgen Qırımda qarlı furtuna neticesinde Yedi Quyu (Lenin) ve Saq rayonlarınıñ meskün yerleri elektriksiz qaldı. Bundan ğayrı yarımadada Krasnokamenivka — Daçne ve Sokolıne — Ay Petri yolları qapatıldı.
RİA "Novosti Krım" bunı bildirdi.
İşğal etilgen yarımadada bir künde aylıq yağanaqnıñ 70%-i yağdı, dep "Fobos" ava merkeziniñ mütehassısı Yevhen Tışkovets bildirdi. Onıñ aytqanına köre, yarımadada böyle qar 15 yıldan berli yağmağan edi.
İşğal etilgen Qırım FVNniñ malümatına köre, kiçik aynıñ 7-nde ava şaraiti fenalaşacaq.
"Bugün, Qırım gidrometeorologik merkeziniñ malümatına köre, Qırımnıñ merkeziy, cenübiy ve şarqiy rayonlarında ve dağlarda küçlü qar, furtuna, yollarda buzlavuq beklenile. Şimal-şarqiy yel quvetleşe — 15-20 m/s, furtuna 25 m/s qadar", — dep aytıla haberde.
Hatırlatamız ki, kiçik aynıñ 6-nda aqşam, ava sebebinden Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) Fiolent rayonı elektriksiz qaldı, dep Telegramda işğalli gubernator Mihail Razvzayev haber etti. Onıñ aytqanına köre, ava arareti tüşkeni içün elektrik energiyasınıñ qullanuvı arttı, eki stantsiya bozuldı ve elektrik ağları yandı.
Kiçik aynıñ 6-nda saba yarımadanıñ işğalli prokurorlığı, ava sebebinden Yedi Quyu rayonınıñ 11 köyü elektriksiz qalğanını bildirdi.
Kiçik aynıñ 6-9 künleri Qırımda furtuna havfı ilân etildi.
Telegram, WhatsApp ve Facebookta Suspilne Qırım haberlerine abune oluñız
