İşğal etilgen Qırımda Yedi Quyu (Lenin) rayonınıñ mesken yerlerini qarlı furtuna batırdı. Kütleviy şekilde elektrik energiyası 11 köyde kesildi.
Yarımadanıñ işğalli prokurorlığı Telegramda bunı bildirdi.
O şunı qayd etti ki, Poltavske (Leninske), Maryivka, Marfivka, Vyazınkove, Glazivka, Osovını, Misove, Azovske, Şçolkine, Yurkine, Gornostayivka mesken yerlerinde elektrik teminleviniñ ğayrıdan tiklenüvini nezaret eteler.
RİA "Novosti Krıma" agentliginiñ bildirgenine köre, Qoz — Prıberejne, Gruşivka — Sudaq, Bilogirsk (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) — Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) yollarındaki rayonlarda küçlü qar yağdı.
"Tsiklondan zarar körgenler bar, dep yerli kanallar bildirdi", — dep aytıla haberde.
Hatırlatamız ki, kiçik aynıñ 6-9 künleri yarımadada furtuna havfı ilân etildi.
İşğal etilgen Qırım FVNniñ malümatına köre, kiçik aynıñ 6-nda yarımadada şimaliy-şarqiy yelniñ 15-20 m/s quvetleşüvi beklenile. Kündüz ise yağmur, qar, bazı yerlerde küçlü yağanaqlar, furtuna, buzlavuq beklenile.
Telegram, WhatsApp ve Facebookta Suspilne Qırım haberlerine abune oluñız
