Vaqtınca işğal etilgen Qırımdan daa sekiz ukrain balasını çıqarıp oldılar. İşğalli akimiyet olarnı qorquzıp, analarından yarımadanı tutıp aldı ve bala evine bermege mecbur etti.
Öz Telegram kanalında Bring Kids Back UA teşebbüsiniñ ameliy müdiri Dariya Zarivna bunı bildirdi.
Onıñ aytqanına köre, Rusiye işğalcileri balalarnı analarından alıp, bala evinde tuttılar, anda olarnı qıynap, teşviqiy tedbirlerde ve arbiy gruppalarda iştirak etmege mecbur ettiler, anda olarnı silâ qullanmağa ve cenkke azırlamağa ögrettiler.
"Episi bu — ukrain kimliginiñ yoq etilmesine doğrultılğan Rusiye siyasetiniñ bir qısmıdır. "Save Ukraine" teşkilâtına bu qurtaruv operatsiyasını teşkil etmege yardım etkenleri ve balalarımız içün yorulmayıp çalışqanları içün teşekkürler bildirem. Er bir qurtulğan bala — bizim küçük bir ğalebemizdir, amma on biñlernen bala alâ daa Rusiye mabüsi olaraq qala. Bütün balalarımız evge qaytqanına qadar toqtamaycaqmız", — dep aytıla haberde.
Telegram, WhatsApp ve Facebookta Suspilne Qırım haberlerine abune oluñız
