İşğal etilgen Qırımda quvetçiler Simferopol rayonınıñ Rodnıkove köyünde (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad rayonınıñ QulçuqRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad köyünde) yaşağan faalci Seitnebi Ramazanovnıñ evini tintmek içün keldiler.
Facebookta "Qırım birdemligi" bu aqqında haber etti.
"Evniñ yanında Gazel, eki yengil maşina tura. Altı adam azbarda tura, evniñ içinde de quvetçiler bar", — dep "Qırım birdemligi"niñ bölge mühbiri bildirdi.
Seitnebi Ramazanov — 2018 senesi azat etilgen sabıq siyasiy mabüs İsmail Ramazanovnıñ babası.
Hatırlatamız ki, kiçik aynıñ 5-nde Simferopoldaki (Aqmescitteki) İşğalli makeme Federal havfsızlıq hızmetiniñ (FSB) hadimleri tarafından qanunsız olaraq tutulğan üç qırımtatar içün 2025 senesi çiçek ayınıñ 4-ne qadar qorçalayıcı tedbirni belgiledi. Olar Emir Kurtnezerov, Rustem Mustafayev ve Abibulla Smedlâyev olalar.
UPD_1 Saat 9:20-de (Kıyiv vaqtına köre) quvetçiler Seitenbi Ramazanovnıñ evinden kettiler, onı yaqalamadılar, dep "Qırım birdemligi" bildirdi.
"Evelki malümatlarğa köre, onıñ oğlu — sabıq siyasiy mabüs İsmail Ramazanov, şimdi Qırım tışında buluna, taqiqat tedbirleri keçirile. Bu sebepten babasınıñ evi tintildi. Seitenbi Ramazanovnıñ aytqanına köre, İsmailniñ vesiqaları, fotoresimleri, telefonı alındı", — dep aytıla haberde.
Telegram, WhatsApp ve Facebookta Suspilne Qırım haberlerine abune oluñız
