İşğal etilgen Qırımda rusiye quvetçiler işğalni teñqit etüvi, Ukrainağa qol tutuvı ve içtimaiy ağlarda faalligi içün yerli sakinlerniñ taqip etüvini devam eteler. Soñki künler içinde işğal makemeler yañı ükümlerni alıp çıqardılar, olarnıñ arasında "devlet hainligi" içün müstemlekesiniñ 18 yıl ve Telegram-da tefsirler içün tevqtfler.
Suspilne Qırım, keçken afta içinde yarımada sakinleriniñ qanunsız tutıp aluvlar ve olarğa dair alıp çıqarılğan ükümlerniñ sırasını azırlağan.
Sevastopol (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı: "devlet hainligi" içün müstemlekesiniñ 18 yıl
RF-nıñ arbiy makemesi, qattı nizamlı müstemlekesinde 18 yılğa makeme etilgen qırımlı Sergıy Saulâğına ükümni deñişüvsiz qaldırğan. Onı Ukrainanıñ faydasına "casuslığında" ve mahsus hızmetlernen işdeşliginde qabaatladılar.
Rusiye quvetçilerniñ versiyasına köre, Saulâknı 2016 senesi UTH celp etken, Ukrainağa RF-nıñ büyük miqyaslı ücüminden soñ ise –"para içün ukrain mahsus hızmetlerine rusiye ordusı aqqında malümatnı alıp bergen edi". Daa onı "Sevastopolde 2022 senesi yazda memuriy binasınıñ yaquvı içün tanışuvnıñ celp etilmesinde" de qabaatladılar".
Yalta: qırımlını USQ-ni para ile temin etilmesinde qabaatlaylar
34 yaşındaki Yalta sakini şimdi apiste buluna. Onı "devlet hainliginde" qabaatlaylar. "Taqiqatnıñ" malümatına köre, o, öz aqçalarnı Ukraina Silâlı quvetleri içün uruş dronlarnıñ satın aluvı içün yollağan.
RF CK-niñ 275 maddesine köreEcnebiy ülkesine ya da onıñ vekillerine Rusiye telükesizligine qarşı yoneliş tutqan faaliyetinde maliyeviy desteginiñ berilmesi şeklinde devlet hainliginiñ yapıluvı, qadınnı azatlıqtan ebediy marum etüvi bekley.
Feodosiya (Kefe)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı: Telegramʼda yazılar içün üküm
Feodosiyadaki işğal şeer makemesi, 37 yaşında olğan yerli sakinini 2,5 yılğa müstemlekesine makeme etken. Onı ukrain Telegram-subethanelerinde "rusiyelilerniñ öldürüvine çağıruvlarında" qabaatladılar. FTH-niñ versiyasına köre, erkek, Ukrainadaki vaziyetini faal sürette muzakere etip qabarcılıqqa qarşı öz baqışlarını saqlamay edi.
"Muzakerede vatandaş, rusiyelilerni faal sürette öldürmege çağırıp aqaretlerge usta edi. Amma taqma adınen saifesiniñ qullanuvı, qanun ile közde tutulğan mesülietliginden vazgeçmege yardım etmegen", – haber ettiler Qırım ve Aqyar boyunca FTH-niñ idaresinde.
Nijnegorskiy rayonı (Seyitler)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı: ukrain timsalâtı içün cezası
Yakımovka köyniñ 60 yaşındaki sakini Lesâ Lıtvınovanı içtimaiy ağlarda ukrain timsalâtınıñ paylaşuvı ve USQ-niñ desteklemesi içün tutıp aldılar. Bunıñ aqqında rusiye KHV RF İİN-ne atıf etip bildirdiler. Onı kamerağa afu soramağa mecbur ettiler, o ise – işğalciler arasında adiy qorquzuv ameliyatı ola. Amma malümatlarnı ep bir işğal makemesine yolladılar. İşğalciler rusiye tecavuzına qarşı çıqqanlarınıñ "peşmanını" köstermek içün videonı paylaştılar.
İslâm-Terek: "Çat Ruletka"-da subetleşüv içün cöreme
55 yaşında olğan erkekni "kiçik çapqınlığı" içün 50 biñ ruble miqdarında (15 biñ grivna) cöreme ödettiler. O, "Çat Ruletka" saytından video çatlarda subetleşüv vaqtında "küfürlikler aytıp RF-nıñ prezidentini rezil etken edi". İşğalcilerniñ versiyasına köre, erkek, "qabaatını tanıp tövbe etken".
Bundan da ğayrı, qırımlını Ukraina territoriyasında rusiyelilerniñ areketiniñ teñkiti ile "Rusiye ordusınıñ itibardan tüşürüvinde" qabaatladılar. İşğal makemesi, oña 45 biñ ruble (13 500 grn) miqdarında cöremeni qoşıp bunı "RF SQ-niñ iibardan tüşürüvini" kibi körgen.
Telegram, WhatsApp ve Facebookta Suspilne Qırım haberlerine abune oluñız
