Keriç boğazında qazağa oğrağan "Volgoneft-239" tankerini utilizatsiya etmek içün azırlav işleri devam ete. Aynı vaqıtta dalıcılar "Volgoneft-239" ve "Volgoneft-212" tankerleriniñ batqan parçalarını teşkereler.
RosmorreçflotDeñiz ve özen naqliyatınıñ federal agentliginıñ yolbaşçısı Andrey Tarasenko bunı bildirdi.
"Ekologik telükesizlik içün gemini avalandırıp, gazdan boşatıp, suvdan çıqaralar ve buharlaştıralar. Aynı zamanda, deñiz qurtaruv hızmetiniñ dalğıcıları "Volgoneft-239" ve "Volgoneft-212" tankerleriniñ batqan parçalarını 20 metr terenlikte teşkereler", — dep Tarasenko qayd etti.
Onıñ aytqanına köre, ameliyatnıñ başından berli 107 dalğıcı suvğa tüşti. İşler "Vodolaz Kuzminıh" ve "Vodolaz Maleev" gemilerinden yapıla, eki dalıcı stantsiya qullanıla.
Rosmorreçflotnıñ malümatına köre, 2024 senesi ilk qış ayından başlap, boğazdan 25 tonnadan çoq neft mahsulatı ve yalıdan 18,5 tonnadan çoq kirli topraq toplandı.
Soñki künde 21 tonna kirli qum toplandı, yalı kenarınıñ 3 kilometri temizlendi. Umumen, 532 kilometrlik yalı boyu tedqiq etildi. Bu aqta Rusiye FVN haber etti.
Telegram, WhatsApp ve Facebookta Suspilne Qırım haberlerine abune oluñız
