Ukraina havfsızlıq hızmeti, Rusiyenen işbirlik yapqan işğal etilgen Qırımdan bir teşviqatçına bildirdi. Onı işbirlik faaliyetinde, Rusiye Federatsiyasınıñ silâlı tecavuzını aqlağanında ve Ukraina topraq bütünligine qast etüvinde qabaatlaylar.
Baş prokurornıñ ofisi bunı bildirdi.
Taqiqat malümatına köre, adam vaqtınca işğal etilgen Hersonğa 2022 senesi mayıs ayında Rusiye teşviqat resursınıñ jurnalisti olaraq keldi. Onıñ faaliyeti Rusiyeniñ Ukrainağa qarşı silâlı tecavuzını aqlamağa ve işğalli memuriyetke qoltutmağa yönelgen edi.
Şübeli adam Hersonda Ukrainağa qarşı aktsiyalarnı teşkil ete edi, hususan, cemaat yerlerini Rusiye bayrağınıñ renklerine boyay ve ukrain timsallerini yoq ete edi. O, bu vaqialarnı İnternette faal şekilde aydınlattı, Ukrainağa qarşı teşviqatnı tarqatqan edi.
Taqiqatnıñ malümatına köre, 2024 senesi berim ayında şübeli adam göñülli olaraq Rusiye Silâlı quvetlerine qoşuldı. Bundan evel o, işğalci akimiyetten öz faaliyeti içün teşekkür ala edi.
UHH onı Ukraina Cinayet qanunnamesiniñ üç maddesine binaen qabaatlay: işbirlik faaliyetiUkraina Cinayet Qanunnamesiniñ 111-1. maddesiniñ 6-ncı qısmı, Ukrainanıñ topraq bütünligiUkraina Cinayet Qanunnamesiniñ 110-ncı maddesiniñ 2-nci qısmı ve toqunılmazlığına qast etüv ve Rusiye Federatsiyasınıñ silâlı tecavuzını aqlavUkraina Cinayet Qanunnamesiniñ 436-2. maddesiniñ 3-nci qısmı.
Bu cinayetler içün adamğa 10 yıldan 12 yılğa qadar azatlıqtan marum etüv cezası berile bilir.
Telegram, WhatsApp ve Facebookta Suspilne Qırım haberlerine abune oluñız
