Qırım siyasiy mabüsi Appaz Kurtamet Rusiye Federatsiyasınıñ Pskov vilâyetiniñ Sosnovıy Bor köyündeki müstemlekeden tuvğanlarınen bağğa çıqtı, anda onı 2024 senesi ilk qış ayınıñ ayında etap ettiler.
Siyasiy mabüsniñ anası Ayşe Kurtamet Suspilne Qırımğa tarif etti.
"Şimdi video aramaları bile bar, o, Rusiye nomeraları olğan er keske telefon ete bile. Künde 15 daqqa, kimerde eki kere 15 daqqa telefon aça bile", — dep qadın tarif etti.
O şunı da qayd etti ki, Appaz deral tikiş işinde işke kirdi, amma aylığı az, bu bedava iş kibi sayıla bile, öz-özüni inkişaf ettirmek içün vaqıt yoq. Rusiye müstemlekesinde tasil almaq imkânı bar, Appaz programmalavnı ögrenmege istegen edi, lâkin oña ceza alğan maddesi sebebinden bu yönelişni seçmege izin bermediler.
Aynı zamanda, qadınnıñ aytqanına köre, Appaz 2023 senesi berim ayından berli bulunğan "Volodımır merkezi" müstemlekesinden daa yahşı tutuv şaraiti bar.
"Temiz avada bulunmaq mümkün, Vladimirde ise aftada bir kere duş ala, yaramay aş aşay edi, atta ayaqyolğa konvoynen kete ediler. Amma Qırımdaki SİZOnıñ şaraitinen qıyaslanğanda bu bile lüks edi. O, eñ yaqın vaqıtta cenkniñ bitmesi aqqında ümütnen ayta ve cenkniñ bitmesiniñ Ukraina içün adaletli olacağına inana", — dey Ayşe Kurtamet.
Hatırlatamız ki, Appaz Kurtamet, uydurılğan bir qabaatlavda, terroristik teşkilâtqa para berüvRFnıñ Cinayet qanunnamesiniñ 208-nci maddesiniñ 1-nci qısmıde qabaatlanıp, yedi yıl apis cezasına maküm etildi.
"Bu "dava"daki qabaatlavlar, "gizli şaatlar"nıñ ifadelerine ve Rusiye quvetçilerinen faal işbirlikte bulunğan mütehassıslarnıñ hulâsalarına esaslana. Davanıñ baqılması halqara uquq qaideleriniñ qaba şekilde bozulmasınen keçti", — dep Qırımtatar Maaliy Merkezi bildirdi.
Appaz Kurtametniñ tutulması aqqında ne bilemiz
2022 senesi oraq ayınıñ 23. künü Appaz Kurtamet Novooleksiyivka qasabasından Qırımğa aqrabalarına ketti. “Çonğar” KÇKNda aqrabalarınen bağını coydı.
Birazdan belli oldı ki, RF Cinaiy qanunamesiniñ 208. maddesiniñ 1. qısmına binaen Appaznı terror teşkilâtına para bermege qabaatlağan rus quvetçileri oğlannı tuttılar. Taqiqatçılarnıñ sözlerine köre Appaz, "Noman Çelebicihan adına batalyon"da hızmet etken tanışına borc 500 grivna berdi.
Qırımtatar Maaliy Merkezi haber berdi ki, bu "dava"da qabaat, "gizlengen şaatlar"nıñ sözlerine ve rus quvetçilerinen faalca çalışqan böyle degen "mütehassıslar"nıñ neticesine esaslana. Davanen bağlı oturışlar, halqara uquq qaidelerini ciddiy şekilde bozdı, dep Merkez belley.
Umumen belli oldı ki, işğalli makeme Kurtamet içün 10 senelik üküm soradı.
2023 senesi çiçek ayınıñ 20. künü RF tarafından teşkil etilgen Aqmescit makemesi Appaz Kurtametni ukrain göñülli batalyonına para bermege qalaatlap, yedi senege maküm etti.
Telegram, WhatsApp ve Facebookta Suspilne Qırım haberlerine abune oluñız
