Qırımda Rusiye işğalcileri qırımtatar balalarını ruslaştırmaq içün yañı usullarnı qullanmağa başladılar. Hususan, kompaktlı yaşağan yerlerde rus tilli umumtasil mektepler ve bala bağçaları açıla.
Öz Facebook saifesinde Qırımtatar maaliy merkeziniñ idaresiniñ reisi Eskender Bariiev bunı yazdı.
Onıñ aytqanına köre, işğal etilgen Qırımda qırımtatar tilini yalıñız fakultativ şekilde ögrenmek mümkün — bunıñ içün ana-babalar ariza yazmalılar.
Bundan ğayrı, yarımadada qırımtatar tili ögretilgen bazı mekteplerde milliy timsallerni qullanmağa yasaq ettiler: bayraqlar, tamğa, qırımtatar halqınıñ milliy gimnini yırlamağa yasaq ettiler. Qırımtatar halqınıñ genotsid kününiMayıs ayınıñ 18-nde qayd etildi de qayd etmege yasaq ettiler.
"Qırımtatar tilinde tasil bergen bazı mekteplerde ve qırımtatarlarnıñ toplu yaşağan yerlerindeki mekteplerde kadet sınıflarını açmağa başladılar. Bunıñnen beraber, kadet sınıflarınıñ mezunları SVO"Mahsus arbiy ameliyat" - Rusiyede Ukrainağa qarşı tolu miqyaslı cenkniñ adığa kirgende üstünlik alalar dep, ana-babalarnen faal iş alıp barıla", — dep tarif etti Eskender Bariiev.
İşğalciler de cenk teşviqatını yapalar ve muntazam sürette Rusiye arbiylerinen birleşeler. Ve balalarnıñ bu tedbirlerde iştirak etüvi sert nezaret altında keçe.
"Rusiyeniñ uzaq bölgelerinden balalarnı Qırımğa ketirüv logistikası sebebinden lagerler ve bala şifahaneleri Qırımdan balalarnen toldurıla. Bu lagerlerde balalarnı Rusiye teşviqatınen zorlaylar, daimiy yürüşlerni keçireler", — dep Eskender Bariiev qoştı.
Telegram, WhatsApp ve Facebookta Suspilne Qırım haberlerine abune oluñız
