Rostovdaki işğalli Cenübiy bölgeniñ arbiy makemesine Qırım cemaat erbabı Volodımır Ananyevniñ davası baqılmaq içün berildi. Siyasiy mabüs yüksek qan basımından şikâyet etkeni içün tibbiy yardımğa muhtac.
Qırım uquq qorçalayıcı gruppası, adamnıñ tuvğanlarına esaslanıp, bu aqqında haber etti.
Qırım uquq qorçalayıcı gruppası qayd etti ki, siyasiy mabüsniñ yüksek qan basımı bar, onı stabilleştirmek içün ilâclar kerek, közlerine ameliyat yapıldı, biri — glaukomalı. Bundan da ğayrı, belkemlik meseleleri ve qasıq yarığı bar. Erkekniñ tedaviylenüvini devam ettirmek kerek.
Hatırlatamız ki, 2024 senesi kiçik ayda FSB, işğal etilgen Qırımda UHHniñ emirinen maşna patlavını azırlağan üç kişiden ibaret gruppanı tutqanını bildirdi. Yaqalanğanlar arasında işğalli kütleviy haber vastaları Şevçenko soyadlı qadınnı, Bodnar V. A. ve Ananyev V. V. adlı eki erkekni adlandırdılar.
Volodımır Ananyev kiçik aynıñ 5-nde işğalli makemeden apiske alındı. Erkekni RFnıñ Cinayett qanunnamesiniñ 222.1-nci maddesiniñ 1-nci qısmına (Patlayıcı maddelerni qanunsız aluv, berüv, satuv, saqlav, taşıma ya da yanına aluv) binaen qabaatlaylar.
Telegram, WhatsApp ve Facebookta Suspilne Qırım haberlerine abune oluñız
